Сентябры ахуырады процесс райдайынæн Хуссар Ирыстоны скъолатæ ифтонг æрцыдысты æнæмæнгхъæуæг чингуытæй.
Ахуырады министрады минæвар Санахъоты Ланæ куыд фехъусын кодта, афтæмæй алы ахуырдзауæн дæр скъолайы библиотекæйы лæвæрд æрцæудзæн ацы ахуыры азæн æххуысы чингуытæ æнæаргъæй.
Фæстаг азты ахуыргæнæн уагдæтты библиотекон фонд æххæст цæуы фонд «Русский мир» æмæ республикæйы «Россотрудничество»-йы минæварады гуманитарон æххуысы фæрцы.
«Ахуырадон литературæйæ Хуссар Ирыстоны астæуккаг скъолаты библиотекæтæ баххæст кæныны фæрцы ахуыры æртæ къæпхæны фæдыл ахуырдзауты чингуытæй сифтонг кæнын бæрæг цæуынц ахæм хуызы: райдайæн иумæйаг ахуырад – 100 проценты, сæйраг иумæйаг ахуырад – 99 проценты, астæуккаг (æххæст) иумæйаг ахуырад – 100 проценты», – загъта Санахъоты чызг.
Уый ма банысан кодта, зæгъгæ, чингуытæ æлхæд цæуынц федералон чингуыты номхыгъдмæ гæсгæ, кæцытæй пайда кæнынц ахуыргæнæн уагдæтты ахуырадон программæйы.
«Чингуыты нымæц бæрæг цыд ахуыргæнæн уагдæтты заявкæты бындурыл, кæцытæ æрвыст цыдысты ахуырад æмæ зонады министрадмæ æмæ иумæйаг æмбырдты хуызы лæвæрд цыдысты æмбæлон организацитæм», – банысан кодта Санахъоты Ланæ.
Информацион агентад «Рес»
