Ленингоры районы администрацийы сæргълæууæг Уалыты Муртаз бахæс кодта ног ахуыры азмæ районы скъолаты бацæттæ кæныны тыххæй.
Ныртæккæ Хуриты Гивийы номыл Цъинагары астæуккаг скъолайы капиталон цалцæггæнæн куыстытæ сты фæуынхъус. Районы цæрæнуатон-коммуналон хæдзарад ныртæккæ, ахуыргæнæн хатæнты рудзгуытæ, дуæрттæ æмæ рухсгæнæн прибортæ раивыны фæдыл. Косметикон цалцæг хъуыд алкæцы кабинет дæр. Кусджытæ æмбæлон уагмæ æркодтой къултæ, цартæ æмæ астæрдтæ. Афтæ ма скъолайы сарæзтой автономон хъармгæнæн системæ дæр. Уый размæ скъолайы хатæнтæ хъарм кодтой сугтæ æмæ электрон хъармгæнæнтæй.
Куыстыты гуырахст кæд стыр у, уæддæр ног ахуыры азмæ æххæст æрцæудзысты иууылдæр. Афтæмæй, сентябры цъинагайраг скъоладзаутæ ахуыр кæндзысты ног сцалцæггонд хатæнты хæрзвадат уавæрты.
Скъолайы директор Гуссойты Ласко куыд банысан кодта, афтæмæй куыстытæй баззад райгондæй. Загъта ма, зæгъгæ, ивгъуыд аз цалцæг æрцыдысты цыппар хатæны. Ныр дæр сцалцæг кодтой цыппар хатæны. Ома, скъолайæн йе ‘мбис æрцыд капиталон цалцæг.
Нæ уацх.
