Сывæллæтты сфæлдыстады галуаны базæйыл организацигонд æрцыд сæрдыгон улæфæн лагерь «Фидæн» æмæ йæ байгом кодтой къуырисæры райсомæй.
Фыццаг бон «Фидæн» ирон æвзаджы боны программæмæ гæсгæ сорганизаци кодтой сывæллæттæн экскурси Абайты Васойы цыртдзæвæны цурмæ, уый фæстæ программæ адæрддæр кодтой интеллектуалон хъазтæй.
Лагерь йæ куыст кæндзæн 15-æм июлæй 23 августмæ. Лагермæ райстой, 7-14 азы кæуыл цæуы, ахæм кары сывæллæттæ. Фыццаг рады исынц бирæсывæллонджын, æххуысхъуаг æмæ сæрмагонд æфсæддон операцийы хайадисæг бинонты сывæллæтты. Сывæллæтты сфæлдыстады галуаны баулæфдзæнис æртæ фæлтæр сывæллæттæ, æдæппæтæй уыдзысты 230 адæймаджы.
Цæмæй сывæллæттæ сæ улæфты бонтæ зæрдиагæй баулæфой æмæ хъæлдзæг рæстæг арвитой, уый тыххæй сын развæлгъау бацæттæ кодтой сæрмагонд программæ. Йæ фæлгæтты сæм æнхъæлмæ кæсынц алыгъуызон интеллектуалон хъæзтытæ, конкурстæ, экскурситæ, спортивон ерыстæ, мастер-къластæ. Уымæй дарддæр æнæмæнг хъуамæ æххæст кæной лагеры фæткойтæ æмæ дисциплинæ.
Сæрдыгон лагеры æрыгон улæфджытæн сæ хæрды хъуыддаг дæр уыдзæнис хорз, бон сын хæрын кæндзысты æртæ хатты.
Нæ уацх.
ИА Рес-æй ист къам
