Нæразыдзинады дунеон змæлд (Движение неприсоединения – ис ахæм – ред.) райста сæрмагонд деклараци. Документы ис домæн – 2024 азы Парижы Олимпиаг æмæ Паролимпиаг хъæзтыты 206 Националон олимпион комитетты атлеттæй алкæмæн дæр хъæуы радтын хайад райсыны бар. Кæй зæгъын æй хъæуы, Уæрæсе æмæ Белорусы спортсментæн дæр. «Ахæм къахдзæф суыдзæн адæймагады иудзинады символ», – ныффыстой декларацийы.
Ацы бонты уыцы хабарыл бирæ чидæртæ фыссы, фæлæ цыма цауæн ахъаззагдæр бынат хъуамæ уыдаид информацион тыгъдады, афтæ мæм кæсы. Уымæн æмæ:
Ивгъуыд æнусы 60-æм азты Нæразыдзинады дунеон змæлды фæлгæтты бирæ паддзахадтæ Уазал хæсты хайад исыныл не сразы сты, ома, нейтралон позицийыл слæууыдысты æмæ никæцы æфсæддон-политикон блокмæ нæ бацыдысты.
«Историйы кæрон» æрцыд, зæгъгæ, ахæм философон теори фæуæлахиз ис æмæ уыцы структурæ дæр цыма никæйуал хъуыди – ферох æй кодтой. 30 азæй фылдæр рацыд уæдæй нырмæ æмæ ныххæррæгъ ис «историйы кæроны» теори.
Уынæм сын сæ «цивилизацион дунейы» экономикæ, базарад, дипломати. Хынджылæггаг куыд сарæзтой Иугонд нациты организацийæ, уый дæр хатæм.
Æмæ мæнæ сценæмæ рахызти æртыккаг политикон тых (кæнæ цыппæрæм – куыд сæ нымайæм, уымæ гæсгæ). ИНО-йы 193 уæнгæй 120 паддзахады сты ныртæккæйы рæстæджы Нæразыдзинады змæлды уæнгтæ! Уыдонмæ ма бафтауын хъæуы цæстдарджыты – 10 æхсæнадæмон организацийы æмæ 17 паддзахады – се ‘хсæн Уæрæсе æмæ Украинæ. Уымæн хуымæтæг позици рахонæн нæй, уый у реалон альтернативæ АИШ æмæ йæ хъæддаг куыйты иуполярон дунейæн. Ранымайæм организацийы позицийы сæйраг домæнтæ:
– спорт хъуамæ уа политикæйæ хицæн;
– Олимпиаг змæлды спортивон организацитæн сæ хæс у нейтралон позицитыл лæуын, ома, Олимпиаг харти æххæст кæнын;
– Физикон æгъдауæй æвадат адæмы ныхмæ, уæлдайдæр та сæ нацимæ гæсгæ, спортивон санкцитæ исыны бар нæй.
Нырыккон дунейы, хорз адæм, уый æхсарджын, иттæг уæндон раконд у!
120 паддзахады, ома, олимпиаг змæлды фылдæр хай, раргом кодтой сæ принципиалон по-зици. Цымæ цы сараздзысты дарддæр ÆОК-ы сæргълæууæг Бах æмæ иннæ тæппудтæ? Бы-лы кæрæттæй хус бузныг, стæй цыма никуы мæ ницы? Афтæ куы уа, уæд сæ кæронмæ æр-ленк кодтой ÆОК æмæ Олимпиаг хъæзтытæ. Сæхæдæг кæсæнт сæ трансгендертæм, сыл-гоймæгты спорты хуызты нæлгоймæгты ерыстæм….
Кæд ма Бах адæмы хъæр æмбары, кæд нæ фæтæрса йæ удæн, уæд та Нæразыдзинады змæлды деклараци Ныгуылæнæн суыдзæн иттæг хъомысджын дзæхст. Дунейы та фæзындзæн дунеон политикæйы вазыгджын субъект… …
Диссаг уый у æмæ ацы хиуылхæцгæ æмæ æндиуд документ ист æрцыд Бакуйы сахары Азербайджаны инициативæмæ гæсгæ.
Дамбегти Ирина
