Хуссарирыстойнаг фондз богалы – Пæрæстаты Давид (86 кг онг), Дзæгъиаты Сослан (97 кг онг), Дзеранты Эрик (97 кг онг), Бестауты Алан (125 кг онг), Бестауты Андрей (125 кг онг) хайад райсдзысты Уæрæсейы чемпионаты.
Уæгъдибар хъæбысхæстæй Уæрæсейы чемпионат 24 азы онг богалты ‘хсæн уагъд цæудзæн 14-19 августы Хъæрсе-Черкессийы. Ерысты хайад райсдзысты 300 спортсменæй фылдæр Уæрæсейы алы регионтæй.
Уалыты Чермен – Олимпиадæй призер
Олимпиадæйы бронзæйон призер Уалыты Чермен фехъусын кодта, зæгъгæ, Парижы Олипиадæмæ цыдтæн æрмæстдæр уæлахизмæ. Бузныг хуыцауæн бронзæ майдан кæй рамбылдтон, уый тыххæй дæр. Албанийæн уый у фыццаг Олимпион майдан. Ацы фæстиуæг бацæудзæн бæстæйы историмæ.
«План кæнын иннæ Олимпион хъæзтыты Лос-Анджелесы дæр хайад райсын. Кусдзынæн мæхиуыл. Ныфс мæ ис уым сыгъзæрин майдан кæй рамбулдзæн, уымæй. Алкæмæн фадат нæ фæвæййы Олимпион хъæзтыты хайад райсынæн, фæлæ мæнмæ та æрхаудта ахæм амонд. Бузныг зæгъын мæ фæнды мæ тренертæ Дзукъаты Къахабер, Тедеты Марик, Мæргъиты Анатолийæн кæй мыл баууæндыдысты æмæ мемæ кæй куыстой, уый тыххæй. Ацы майдан уыдоны фæрцы рамбылдтон», – загъта Уалыты Чермен.
Уый ма у Уæрæсейы чемпионаты дыууæ хатты уæлахиздзау дæр.
ХУРИТЫ Батрадз
