Республикæ Хуссар Ирыстоны Гарзджын тыхтыл Сæйраг командæгæнæг Гаглойты Алан бабæрæг кодта хъахъхъæнынады министрады æфсæддон полигон æмæ ахуырадон центр. Ахуырадон центры æппынæдзух уагъд фæцæуы комплексон æфсæддон ахуыртæ. Бæстæйы разамонæг базонгæ министрады сæрмагонд сконд хæстон рæстæджы æмæ æндæр ахсджиаг хæстæ æххæст кæнынмæ куыд цæттæ сты. Бабæрæг кодта ахуырадон-материалон базæйы объекттæ.
Хъахъхъæнынады министры хæстæ рæстæгмæ æххæстгæнæг Сабанты Инал бæстæйы разамонæджы базонгæ кодта министрады техникон цæттæдзинад æмæ æвзонг æрсиддонтæ æвзонг хæстоны курс куыд цæуынц, уыдонимæ.
Президент Гаглойты Алан æфсæддон службæгæнджытимæ ныхасгæнгæйæ æрсидт, цæмæй дарддæр дæр хуыздæр кæной сæ профессионалон дæсныйад, бæрзонддæр кæной гарзджын тыхты хæстон æмæ мобилизацион цæттæдзинад, аккагæй службæ хæссой Фыдыбæстæйы сæрвæлтау æмæ фæлтæрддзинад исой хисдæр фæлтæрæй.
Банысан кæнын хъæуы уый, æмæ фæстаг дыууæ мæйы хæстон цæттæдзинады мадзæлттæ активонæй уагъд кæй цыдысты, уый фадат радта управленийы органты сæрмагонд сконд æмæ æппæт æфсæддон дæлхæйтты ахуыртæм æркæнын. Комплексон ахуырты фæстæ министрады хæстонтæ æмæ спецназы службæгæнджытæ æнтыстджынæй сæххæст кодтой сæ разылæууæг хæстæ æмæ равдыстой бæрзонд индивидуалон цæттæдзинад.
Сæхи хорз равдыстой, 2023-2024 азты æфсæддон службæмæ кæмæ æрсидтысты, уыцы æвзонг хæстонтæ. Бæрзонд дисциплинæ æмæ сæ разылæууæг хæстæ æнтыстджыæй æххæст кæнынмæ цæттæдзинад равдыстой техникон, фæсчъылдым, медицинон, инженерон ифтонгады æппæт дæлхæйттæ.
Хъахъхъæныны министры хæстæ рæстæгмæ æххæстгæнæг, булкъон Сабанты Инал ауадзгæ мадзæлттæн скодта хорз аргъ. Хъусдард аздæхта дарддæр навигацион аппа-ратурæ, уæвæг дронтæ, бынат басгарыны фæдыл бæрзондтехнологон фæрæзтæй уæрæхæй спайда кæнын.
Къæбулты Марина
