19 августы горæт Дзæуджыхъæуы арæнгонд бæрндзинады æхсæнад «ФАТ-АГРО»-йы базæйыл байгом ис VIII Æхсæнадæмон зонадон-практикон семинар «Семеноводство картофеля: инновационные технологии и новые перспективные сорта», зæгъгæ, кæцыйы куысты хайад райста Республикæ Хуссар Ирыстоны хъæууон хæдзарады министрады делегаци министр Мæргъиты Аланы сæргълæудæй.
Семинары хайадисджытæ бабæрæг кодтой микроклоналон бирæкæныны нырыккон лаборатори, Уæллаг Згъилы уæлхох зонæйы уавæрты оригиналон картофы тауинагисæн питомник-тæ æмæ Джызæлы хъæуы кондадон фæзуаттæ.
Мæргъиты Алан куыд банысан кодта, афтæмæй программæйы мадзæлтты фæлгæтты æруынаффæ кодтой картоф зайын кæныны, картофы тауинаг, картофы тауинаджы ног перспективон хуызты конкурентон фонд саразын, профилон селекцион-тауинагон центры рæзты фадыджы фарстытыл.
«Семинары фæлгæтты фембæлдыстæм, сæйраджыдæр, «ФАТ-АГРО»-йы къухдариуæгадимæ, цыран æруынаффæ кодтам Хуссар Ирыстоны картоф зайын кæныны рæзтыл. Баныхас кодтам «ФАТ-АГРО»-йы минæвæрттæ кæй бабæрæг кæндзысты нæ республикæйы картоф зайын кæныны рæзты фарстытыл æруынаффæ кæныны нысанæн, афтæ ма картоф зайын кæныны фадыджы проекттæ реализаци кæнынмæ чи цымыдис кæны, Хуссар Ирыстоны уыцы минæвæртты практикæйы рацæуын æмæ ахуырмæ ар-витыны фарстытыл», – фехъусын кодта Мæргъиты Алан, æмæ банысан кодта, картоф зайын кæнын кæй у республикæйы перспективон фадыг нырыккон технологитæ æмæ гъæдджын тауинаджы æрмæджытæй пайда кæнгæйæ.
Агросеминары хайад райстой Федералон паддзахадон бюджетон уагдон «Россельхозцентры» директор Александр Малько, Республикæ Цæгат Ирыстон-Аланийы хъæууон хæдзарады министр Уарзиты Хъазбег, Бæгæныфыцæн хæдзар «Бавария»-йы директор Битарты Зелим, арæнгонд бæрндзинады æхсæнад «ФАТ-АГРО»-йы директор Мæрзойты Зауыр, афтæ ма Уæрæсе, Германи æмæ Нидерландтæй 200 специалистæй фылдæр.
Comments are closed, but trackbacks and pingbacks are open.