Уæрæсейы Федерацийы æфсæддон Слестгæнæн комитеты 528-æм хайады кусджытæ Æппæтуæрæсейон æфсæддон-патриотикон æхсæнадон змæлд «Юнармия»-йы æрыгон минæвæрттимæ иумæ экскурсийы ацыдысты Иумæйаг информацион-координацион центрмæ.
Уазджытæн бацæттæ кодтой хорз программæ — базонгæ сæ кодтой криминалистикон лабораторийы центры куыстимæ. Æрыгæтты тынг бацымыдис кодтой центры техникон ифтонгад, сæ фæлындæнтæ, эксперты чемоданы уæвæг инструменттæ æмæ афтæ дарддæр. Экскурсимæ æрбацæуджытæ сæхæдæг дæр хайад райстой цалдæр лабораторон куысты, сбæлвырд сын кæнын кодтой алыгъуызон экспертизæтæ.
Æфсæддон слестгæнджытæ стыр бузныджы ныхæстæ загътой ИКЦ-йы кусджытæн ахæм хъарм райсты тыххæй, кæстæр фæлтæры кæй базонгæ кодтой бирæ ногдзинæдтимæ, кæй сæ сцымыдис кодтой криминалистикæйы профессимæ. Фидæны сæ, чизоны, исчи ацы дæсныйад равзара ахæм диссаджы экскурсийы æндæвдады фæстиуæгæн.
ДЖИОТЫ Алыксандр
