Хуссар Ирыстоны паддзахадон университеты ректор Тедеты Вадимæм кусæгон фембæлд уыд горæт Армавиры паддзахадон педагогон университеты минæвæрттимæ. Уый тыххæй нын фехъусын кодтой университеты пресс-службæйы.
Ацы фембæлд ацыд æмгуыстады фæдыл сразыдзинады фæлгæтты. Сразыдзинадыл майы мæйы сæ къухтæ æрфыстой Тедеты Вадим æмæ Армавиры педагогон университеты разамонæг Евгений Нижник.
Уæрæсейы фарсæрдыгæй фембæлды хайад райстой Армавиры паддзахадон педагогон университеты зонад-иртасæн æмæ инновацион æмæ æхсæнадон архайды фæдыл проректор Роман Близняк æмæ университеты зонад-иртасæн æмæ инновацион архайды управленийы хистæры хæстæ æххæстгæнæг Людмила Хлудова.
Хуссар Ирыстоны паддзахадон университетæй ацы ахсджиаг фембæлды хайад райстой ХИПУ-йы ахуыры хайады проректор Гобозты Станислав, уырыссаг филологи, журналистикæ æмæ фæсарæйнаг æвзæгты факультеты декан Бекъойты Иринæ, Медиахолдингы разамонæг Джиоты Аллæ æмæ университеты ректоры æххуысгæнæг Тадтаты Иринæ.
Нæ уацх.
