Бузныг сын загъта, Хуссар Ирыстоны фæдыл сæ позицийы тыххæй

Дунеон хъуыддæгты фæдыл УФ-йы Советы комитеты уæнг Тотоонты Александр хайад райста Республикæ Фиджийы Парламенты делегациимæ фембæлды, кæцытæ фыццаг хатт æрцыдысты Уæрæсемæ официалон визитимæ.

Тотоонты Александр бузныг загъта Фиджийы парламентаритæн Хуссар Ирыстоны фæдыл сæ позицийы тыххæй.

Фембæлды рæстæджы УФ-йы Советы Сæрдар Валентина Матвиенко æмæ Фиджийы Парламенты сæргълæууæг сæ къухтæ æрфыстой æхсæнпар-ламентон æмгуыстады рæзты тыххæй Меморандумыл. Уый аразы юридикон, мидисджын бындур Федерацийы Советы æмархайдæн Фиджийы хицауиуæгады закъондæттынадон органимæ.

Тотоонты Александр раарфæ кодта госпожа Лувен æмæ республикæйы парламентаритæн Уæрæсемæ хауæг фарстыты фæдыл сæ нейтралон позицийы тыххæй: «Фиджийы дипломатты хъæлæс алыхатт дæр хъуыст хæдбар позицийы æвварс. Йæ минæвæрттæ иу æмæ дыууæ хатты сæхиуыл нæ фæхæцыдысты Сирийы уавæры тыххæй ИНО-йы Генералон Ассамблеяйы Резолюцийы хицæн ныгуылæйнаг арабаг бæстæты рахæсгæ проектты фæдыл. Уæрæсейæн бындурон фарсхæцынад сси уый дæр, æмæ Фиджийы минæвæрттæ кæй нæ рахæцыдысты Украинæйы территориалон æнæхъæндзинады тыххæй резолюцийы проектты æвварс. Уый нысан кодта УФ-йы скондмæ Хъырым кæй бацыд, уымæ, фактон æгъдауæй лоялон ахаст кæй равдыстой, уый».

Сенатор ма банысан кодта уый дæр, æмæ Сува (Фиджийы столицæ) принципиалонæй кæй рахæцыд резолюцийы уæрæсейаг проекты æвварс, кæцы здæхт уыд нацизмæй хъайтар саразыны ныхмæ.

Тотоонты Александр уæлдай бузныджы ныхæстæ загъта фæсарæйнаг коллегæтæн,  уы-дон традицион æгъдауæй сæхиуыл кæй фæхæцыдысты, хъæлæс кæныны рæстæджы «О положении внутренне перемещенных лиц и беженцев из Абхазии и Южной Осетии»-йы проект гуырдзиаг фарс куы ра-хаста, уæд.

«Федерацийы Совет сæйраджыдæр у регионты палатæ, æмæ дзы æз æвдисын Республикæ Цæгат Ирыстон-Аланийы, фæлæ мæ иу минут дæр рох нæу, мидисмæ гæсгæ кæй æвдисын Кавказы хохы рагъыл куыд цæгаты, афтæ хуссар фарсы цæрæг æппæт ирон адæмы», – загъта Тотоонты Александр.

РХИ-йы официалон портал