8-17-аздзыд сывæллӕттӕ цы бинонты ис, уыдонӕн æрвылмæйон фиддонты тыххæй Уæрæсейы президент Владимир Путин бафыста барамынд. Уый тыххæй информаци фæзынд барадон сайты. Фиддонты бæрц уыдзæн 50, 75 æмæ 100 проценты регионы сывæллæттæн фæцæрынæн æппынкъаддæры бæрцæй. Фыццаг фиддонтæ лӕвӕрд ӕрцӕудзысты майы. Хицауады уæнгтæ ныртæккæ фидар кæнынц æмбæлгæ гæххæттыты хыгъд.
Паддзахадон æххуыс райсыны фæдыл куырдиат ба-дæттæн уыдзæн бирæвæрсыг центртæ æмæ паддзахадон лæггæдты порталы. Уымæй уæлдай ма хицауад æмбæлгæ финансон æххуыс бакæндзæн регионтæн. Президенты ацы уынаффæ бахаудзæн, нырмæ цы æххуысы мадзæлттæ снысан кодта, уыдонмæ.
Раздæр Уæрæсейы фидар æрцыд æрвылмæйон фид-донтæ æнхъæлцау сылгоймæгтæ æмæ æххуысцух бинонтæн. Уымæй уæлдай ма паддзахадон æххуыс райсынц 8 азæй 16 азы кары сывæллæттæ иунæгæй цы ныййарджытæ хъомыл кæнынц, уыдон.
***
8 -17 азы кары сывæллæттæн фиддонтæ исынæн куырдиат бадæттæн уыдзæн 1-æм майæ. Ныхас цæуы æххуысцух бинонтыл. Фиддонтӕ снысан кæндзысты 1 апрелæй. Ома, 1-æм маймæ куырдиат чи бадæтта, уыдон æхцайы фæрæзтæ райсдзысты 2 мæйæн, кæд апрелы сывæллоныл 8 азы сæххæст, уæд.
Уæ зæрдыл уын æрлæууын кæндзыстæм, раздæр Уæрæсейы æрвылмæйон паддзахадон æххуыс снысан кодтой, 8 азæй 16 азы кары онг сывæллæттæ иунæгæй цы ныййарджытæ хъомыл кæнынц, уыдонæн. Цæгат Ирыстоны субсидийы бæрц у 11 мин сомы.
Comments are closed, but trackbacks and pingbacks are open.