Нæ радон номыртæй сæ иуы «Хуссар Ирыстоны æртæ сомы фæасламдæр уыдзæн æртаджы аргъ», зæгъгæ, ахæм сæримæ рацыд уац. Уыцы хабар махæн фехъусын кодта экономикон райрæзты министр Тадтаты Дзамболат – номхыгъдæй, министрады официалон документы фыст уыдис: «10-æм октябрæй «Югосет-продукт» æртаджы иу литр уæй кæндзæн фæндзай авд (57) со-мæй».
Махæн дæр уый æхсызгон хабар уыд. Ныммыхуыр æй кодтам нæ газеты. Газеткæсджытæ та махыл æууæндынц. Уымæ гæсгæ нæм нæ горæты цæрæг Тедеты Аслан лæбурæджы цыд æрбакодта редакцимæ: «Цы фыссут, уый цæмæннæ сбæлвырд кæнут? Æртаджы аргъ нæ фæкъаддæр, сымах куыд ныффыстат, афтæ. Шофыртæ быцæу кодтой æртагкæнæн станцы кусæгимæ, ома, хицауады уынаффæмæ гæсгæ бензин фæасламдæр æртæ сомы. Фæлæ нын уыдон загътой, зæгъгæ, аргъ кæй фæкъаддæр кодта, æрмæстдæр, Паддзахадон унитарон куыстуат «Югосетнефтепродукт»-ы æртаг уадзæн станц. Уым та бензин дæттынц, æрмæстдæр, талонтæм гæсгæ. Уыцы информаци цæмæн хъуыд мах, хуымæтæг адæмы! Кæд æмæ мах нæ машинæты бензин æндæр рæтты кæнæм, уæд», – тызмæгæй дзырдта не ‘мбæстаг.
Бацымыдис кодтам, нæлгоймаджы ныхæстæ цас раст сты, æмæ æрзылдыстæм æртагуадзæн станцтыл. Æцæгдæр, æртаджы аргъ нæ аивта. Хатыр курæм нæ зынаргъ газетксæджытæй, ахæм информаци радтынмæ кæй фæтагъд кодтам.
Уазæгты Марфа
Ацы æрмæджытæ дæр бакæс:
Æртæ сомы фæкъаддæр уыдзæн æртаджы аргъ
Ӕртаг фæасламдæр уыдзæнис фыццаг уал Уæрæсейы, стæй та Хуссар Ирыстоны
ЭКСПЕРТЫ ХЪУЫДЫ: ÆРТАДЖЫ АРГЪ НÆ ФÆФЫЛДÆР УЫДЗÆН
Æртаджы æргъты рæзт æндавынц транспорты куыстыл æмæ… бинонты бюджетыл
20-æм апрелæй нæ республикæйы фæаслам уыдзысты бензин æмæ дизелон æртаджы æргътæ
