Карсанты Хетæг ссис, 21 азы онг кæуыл цæуы, уыцы богалты ‘хсæн уæгъдибар хъæбысхæстæй Европæйы чемпионаты уæлахиздзау. Ирон спортсмен ерысты хъахъхъæдта Азербайджаны спортивон кад. 97 кг уæзы категорийы архайгæйæ, Карсаны фырт 3:0 хыгъдæй рамбылдта Словакийы минæвар Адам Яксикы, дарддæр 10:0 хыгъдæй тыхджындæр уыд молдоваг Константин Бузайæ. Æрдæгфиналы та 11:0 хыгъдæй фæуæлахиз гуырдзиаг Рамини Гулиташвилийыл. Финалы та йæ ныхмæлæууæг уыд уæрæсейаг Шахман Нухаев. Ам дæр ирон богал равдыста фидар удыхъæд æмæ рамбылдта 5:4 хыгъдæй æмæ ссис ерысты сыгъзæрин майданы хицау.
ХУРИТЫ Батрадз
