КÆНЫНЦ СЫН АЛЫВАРСОН ÆХХУЫС
Донбассы фронты Райгуырæн бæстæйы раз йе ‘мбæстагон хæс чи фиды æмæ Фыдыбæстæйы знæгтæй чи хъахъхъæны, уыцы хæстонты фарсмæ бирæтæ балæуынц æмæ сын баххуыс кæнынц алыварсонæй, уыцы нымæцы моралон æгъдауæй дæр.
Донецкы Адæмон Республикæйы Æхæннацион æхсæнадон организаци «Землячество Алании»-йы минæвæрттæ прав-ленийы сæрдар Бæззаты Еленæйы сæргълæудæй цæгатирыстойнаг театр «Саби»-йы артист, фестивалы кадджын хайадисæг Гæпузты Григори (быдзæу Афоня), поэт, Уæрæсейы Фысджыты цæдисы уæнг Пагæты Аслан, видеограф, УФ-йы Журналистты цæдисы уæнг Тебиаты Златæимæ уыдысты фронты раззаг хаххы дæлхæйттæй сæ иуы. Хæстонтæ цымыдисæй байхъуыстой Пагæты Асланы дыууæ чиныг – «Ангел над Донбассом» æмæ «Помни»-йы презентацимæ.
Пагæты Асланы æмдзæвгæтæ бакаст хæстонтæй иу (йæ фæсномыг «Скальпель»). Быдзæу Афоня равдыста интерактивон шоу. Афтæ ма уазджытæ æмæ дæл-хайы хæстонтæ иумæ сарæзтой фотосесси дæр.
ССАРДТОЙ ХЪАЙТАРЫ НОМ
Æхсæннацион æхсæнадон организаци «Землячество Алании»-йы минæвæрттæ ссардтой Донецкы Адæмон Республикæйы хъайтар Мамиты Олегы (Мамай) рухс ном.
Парти «Справедливая Россия – За Правду»-йæ Тельмановскы муниципалон зылды депутат Неер Виктор, бархионты батальон «Сармат» æмæ интернационалон бригадæ «Пятнашка»: Дикая дивизия Донбасса»-йы æфсæддон службæгæнджытæ батальоны командиры (фæсномыг «Акела») сæргъ-лæудæй æмæ РЦИ-Аланийы театр «Саби»-йы артист, УФ-йы театралон архайджыты цæдисы уæнг Гæпузты Григори хъайтары цыртыл сæвæрдтой венок. Ирыстоны номæй ацы венок радта хæрзаудæн фонд «Будем жить»-ы президент Галина Висяч.
БАЛАСТОЙ ГУМАНИТАРОН ÆХХУЫС
Батальон «Алани»-йы хæстонтæ гуманитарон æххуыс баластой Запорожьейы областы Мелитополы районмæ. Новгородковкайы хъæумæ æрбаластой нуазыны дон, æхсыр, дыргъты дæттæ æмæ хæлцадон про-дукттæ.
Мелитополы районы цалдæр хъæуæн ис проблемæтæ донифтонгады системæимæ æмæ дæргъвæтин рæстæджы æвзарынц нуазыны доны хъуагдзинад.
«Цалынмæ бынæттон хицауад цæрæн пункттæм донифтонгады альтернативон гуырæнтæ иу кæнынц, уæдмæ мах аразæм цы аразын нæ хъæуы, уый, нæхиуæттæн æххуыс кæнæм!», – банысан кодта Цæгат Ирыстон-Аланийы Сæргълæууæг Сергей Меняйло йæ телеграмм-каналы.
САККАГ ЫН КОДТОЙ СЕРТИФИКАТ
Донецкы æхсæнадон организаци «Земля-чество Алании»-йы правленийы сæрдар Бæззаты Еленæйæн саккаг кодтой 6-æм æх-сæнадæмон мультикультурон фестиваль «Звезды над Донбассом – 2024»-йы хайад-исæджы сертификат.
Нæ уацх.
