Ленингоры районы хъæуты райдыдта уынгты рухсыты масштабон модернизаци. Районы администраци балхæдта 120 ног плафоны, кæцыты ныридæгæн райдыдтой цæджындзтыл æвæрын.
«Цæрджытæ бирæ рæстæджы дæргъы цыдысты, гæзæмæ рухсытæ кæм сыгъдысты, уыцы уынгты. Бирæ рæтты та рухсытæ бынтондæр нæ уыд. Ныр уавæр ивы хуыздæрæрдæм», – банысан кодта районы администрацийы пресс-секретарь Кокойты Анжелæ.
Куыстытæ райдыдтой Ленингоры поселочы уынгтæй. Ног рухсгæнæн приборты монтаж кæнынц районы цæрæнуатон-коммуналон хæдзарады кусджытæ районы администрацийы сæргълæууæг Уалыты Муртазы бахæсмæ гæсгæ.
Ленингоры районы цæрæнуатон-коммуналон хæдзарады хистæр Хацырты Алексей банысан кодта, зæгъгæ, ног электрон цырæгътæ электроэнерги хардз кæнынц къаддæр.
«Уынгты рухсыты проблемæ карзæй лæууы районы хъæутæн сæ фылдæры. Ныр хъæуты цæрджытæн æхсызгон у, æхсæвыгон сын цæуынæн æдасдæр æмæ æнцонвадатдæр кæй уыдзæн, уый», – загъта Хацырты Алексей.
Ацы куыстытæм æрæвнæлдтой дыууæ азы размæ Цъинагары зонæйы, фæлæ фæстæдæр урæд æрцыдысты. Ацы аз куыстыты сног кодтой.
Спутник-Южная Осетия
Ацы æрмæджытæ дæр бакæс:
Куыд æххæст цæуынц Хицауады уынаффæтæ
Ленингоры районы администрацийы ног сæргълæууæг фембæлд Цъинагары зонæйы хъæуты цæрджытимæ
Цæрæнуатон-коммуналон хæдзарады техникæйы равдыст
Республикæйы къухдариуæгад дарддæр дæр здахдзæнис æмбæлон хъусдард Ленингоры районмæ
Фаг у цъыфкалæн æмæ хахуыртæ кæнынæн
