Республикæ Хуссар Ирыстоны Президент Гаглойты Алан знон бабæрæг кодта, нæ горæты Тугъанты Махарбеджы номыл Нывгæнæн ахуыргæнæндоны æрмадзы Беслæны трагедийы амæттæгты номыл цы цырт арæзт цæуы, уый.
Цырты автор у Хуссар Ирыстоны адæмон нывгæнæг Зассеты Сæрмæт, кусы йыл республикæйы сгуыхт нывгæнæг Хуыбиаты Робертимæ. Сæрмæты ныхæстæм гæсгæ, цыртыл æрæджы райдыдтой кусын.
Гаглойты Алан куыд банысан кодта, уымæ гæсгæ цырт хъуамæ сæвæрой Беслæны трагикон цаутыл 20 азы сæххæсты бонмæ.
Скульптурæ у дыууæ метры бæрзæндæн. Йæ хæдфæстæ æвæрд уыдзысты фондз метры бæрзæндæн æртæ мæсыджы. Автор куыд амоны, уымæ гæсгæ «Беслæны терракты амæттæгты тæригъæдæй, сывæллæттæ дойныйæ кæй мардысты, уымæ гæсгæ уыцы мæсгуытæй иу афаст, ома, Ирыстоны зæрдæ аскъуыд æмæ дзы æппынæдзух лæдæрсдзæн дон…».
Монументы сæйраг фигурæ – фыд, нæлгоймаг – цы скъола бацахстой, уырдыгæй фервæзын кодта æмæ рахæссы йæ сывæллоны. Нæлгоймагæн йæ бакастæй бæрæг у, рыстæй йемыдзаг кæй у, кæсы уæларвмæ – уыцы касты бирæ мидис ис, фæлæ сæйраг у, бузныг кæй у Дунескæнæгæй, йæ хъæбул сæрæгасæй кæй баззад, зæгъгæ.
Æмткæй сисгæйæ, цырт æвдисæн у, Беслæны скъолайы амынæтты террористтæй чи ирвæзын кодта, уыцы ирвæзынгæнджыты иумиаг хъæбатырдзинадæн, уым уыдысты хæстонтæ, ирвæзынгæнджытæ, хуымæтæг адæм.
Республикæ Хуссар Ирыстоны Президент Гаглойты Алан знон бабæрæг кодта, нæ горæты Тугъанты Махарбеджы номыл Нывгæнæн ахуыргæнæндоны æрмадзы Беслæны трагедийы амæттæгты номыл цы цырт арæзт цæуы, уый.
Цырты автор у Хуссар Ирыстоны адæмон нывгæнæг Зассеты Сæрмæт, кусы йыл республикæйы сгуыхт нывгæнæг Хуыбиаты Робертимæ. Сæрмæты ныхæстæм гæсгæ, цыртыл æрæджы райдыдтой кусын.
Гаглойты Алан куыд банысан кодта, уымæ гæсгæ цырт хъуамæ сæвæрой Беслæны трагикон цаутыл 20 азы сæххæсты бонмæ.
Скульптурæ у дыууæ метры бæрзæндæн. Йæ хæдфæстæ æвæрд уыдзысты фондз метры бæрзæндæн æртæ мæсыджы. Автор куыд амоны, уымæ гæсгæ «Беслæны терракты амæттæгты тæригъæдæй, сывæллæттæ дойныйæ кæй мардысты, уымæ гæсгæ уыцы мæсгуытæй иу афаст, ома, Ирыстоны зæрдæ аскъуыд æмæ дзы æппынæдзух лæдæрсдзæн дон…».
Монументы сæйраг фигурæ – фыд, нæлгоймаг – цы скъола бацахстой, уырдыгæй фервæзын кодта æмæ рахæссы йæ сывæллоны. Нæлгоймагæн йæ бакастæй бæрæг у, рыстæй йемыдзаг кæй у, кæсы уæларвмæ – уыцы касты бирæ мидис ис, фæлæ сæйраг у, бузныг кæй у Дунескæнæгæй, йæ хъæбул сæрæгасæй кæй баззад, зæгъгæ.
Æмткæй сисгæйæ, цырт æвдисæн у, Беслæны скъолайы амынæтты террористтæй чи ирвæзын кодта, уыцы ирвæзынгæнджыты иумиаг хъæбатырдзинадæн, уым уыдысты хæстонтæ, ирвæзынгæнджытæ, хуымæтæг адæм.
Къæбулты Марина
