10-æм августы телеканал «Осетия-Ирыстон»-ы ирон æвзагыл рацыд ног анимацион сериал «Шушумагия». Сериалы дзырд цæуы лагеры улæфæг чызджыты цауты (приключения) тыххæй. Уыдон æнæнхъæлæджы бахаудтой алæмæттаджы хъæдмæ, цыран цæрынц магион персонажтæ: мад Шама, сабитæ шушу æмæ бирæ æндæр уæвæгойтæ. Мултфильмæн ис ахсджиаг нысаниуæг. Ома цæрын хъæуы хæларæй, хъæуы аудын æрмæст бинонтыл нæ, фæлæ алфæмбылай дунейыл дæр. «Шушумагия»-йы ис 26 серийы. Алкæцыйы хронометраж дзы у 6,5 минуты. Мултфильм у анимацион компани «Ярко»-йы ист. Йæ хъайтарты иронау дзурын кæнынц Цæгат Ирыстоны паддзахадон академион театры артисттæ æмæ телеканал «Осетия-Ирыстон»-ы амонджытæ. Ирон æвзагмæ тæлмацы автор у Хъуылаты Юри. Мультфильм æвдыст æрцыд Вахтанговы хæдзары. Сериалыл чи куыста, уыцы командæ сдзуапп кодта уазджыты фарстатæн. Телекомпани «Осетия-Ирыстон»-ы къухдариуæггæнæг Къарджиаты Иринæ банысан кодта, зæгъгæ, телеканалæн ацы проект у тынг ахсджиаг. «Шушумагия» у ирон æвзаджы тыххæй, уымæ гæсгæ проект тынг ахсджиаг у махæн. Хъыгагæн, дзы сывæллæтты контент ирон æвзагыл тынг цъус ис. Мах фæнды, цæмæй нæхæдæг аразæм оригиналон мультиктæ, фæлæ нын нырма ресурстæ нæй. Хъуыды ис, адæм ис, фæлæ æхца нæй. «Ярко»-йæ нæ партнертимæ мах бакодтам егъау куыст. Бузныг командæйæн. Ныфс нæ ис, уæ зæрдæмæ кæй фæцæудзæн», – банысан кодта уый.
«Шушумагия» æввахс æмæ актуалон у нырыккон сывæллæттæн. Мултфильмы хъайтарты дзыхæй ирон æвзаг æнцондæрæй æмæ тагъддæр æмбардзысты. «Ацы мультфильм фылдæр у чызджытæн. Фæнд ма кæнæм ноджы иу иумæйаг проект – мультфильм «Живой гараж» саразын. Уый та фылдæр уыдзæн лæппутæн», – бамбарын кодта Къарджиаты Иринæ.
«Шушумагия»-йы канал «Осетия-Ирыстон» æвдисын райдыдта 10-æм августæй улæфтбонты 8 æмæ 13 сахатыл, кусгæ бонты та- 8.05 сахатыл æмæ 13 сахатыл «Ног хабæртты» фæстæ.
Ацы æрмæджытæ дæр бакæс:
ПОСТАНОВЛЕНИЕ ЦИК О регистрации Джабиева Вячеслава Владимировича кандидатом в депутаты Парламента Республики Южная Осетия восьмого созыва, выдвинутого Политической партией “Коммунистическая партия Республики Южная Осетия” по одномандатному избирательному округу №1 города Цхинвал
ПОСТАНОВЛЕНИЕ ЦИК Об исключении кандидата Кочиева Георгия Романовича из заверенного республиканского списка кандидатов в депутаты Парламента Республики Южная Осетия восьмого созыва, выдвинутого Политической партией “НЫХАС”
Урузмаг Джагаев проинформировал Анатолия Бибилова и Алана Тадтаева о результатах анализа законодательства, регламентирующего деятельность Парламента Республики Южная Осетия
Постановление правительства Республики Южная Осетия
Закон Республики Южная Осетия «Об обязательном экземпляре документов»
