Литературон сфæлдыстады къабазы курдиатджын адæм рабæрæг кæнын æмæ сæ дарддæр хъомыл кæныны сæраппонд æмæ Хетæгкаты Леуаны фырт Къостайы 165 – азон юбилейы цытæн журнал «Фидиуæг»-ы редакци Ирыстоны Фысджыты æхсæнадимæ иумæ сиды

Поэтикон конкурс

 Кæмæн ис конкурсы хайад райсæн

  1. Конкурсы хайад райсын йæ бон у ирон æвзагыл фыст æмдзæвгæты авторæн (кармæ нæ кæсæм). Уацмыстæ хъуамæ уой мыхуыргонд Times New Roman 14 шрифт 1,5 дæрддзæгыл.
  2. Уацмысты гуырахст хъауджыдæр нæу.

Уацмысты мидис

Конкурсмæ æрбалæвæрд поэтикон уацмыстæ хъуамæ фыст уой Хетæгкаты Къостайы цард, йе сфæлдыстад, ирон адæмы царды йæ курдиаты ахадындзинады фæдыл.

  1. Бацамынд мидисыл фыст чи нæ у, уыцы уацмыс конкурсы хайад нæ райсдзæн.

Конкурсы æмгъуыд

  1. Конкурс расидтæуыдзæн уагæвæрд ныммыхуыр кæныны бонæй.
  2. Уыцы бонæй конкурсмæ уацмыстæ «Конкурс», зæгъгæ, нысанимæ, æрбарвитæн уыдзæн Журнал «Фидиуæг»-ы электрон адресмæ: fidiauagrso@mail.ru, социалон хызæг Фейсбукы «Фидиуæг»-ы къордмæ: https://www.facebook.com/groups/748650596631206, стæй конкурсы фæдыл вотцаппы къордмæ «Хетæгкаты Къостайы номыл юбилеон конкурс».
  3. Уацмыстæ ист цæудзысты 2024 азы 1 сентябрмæ. Уый фæстæ жюрийы уæнгтæ 1 сентябрæй 1 октябрмæ уынаффæ кæндзысты уацмыстæй хуыздæртæ равзарыныл.

4.10 октябры уыдзæн уæлахиздзауты схор­зæхджын кæныны церемони.

Конкурсы жюри

Конкурсы жюрийы сконды уыдзысты, Цæгат æмæ Хуссар Ирыстоны поэзийы жанры æнтыс­гæйæ чи кусы, ахæм адæймæгтæ, æвзаг æмæ литературæ зонджытæ.

Конкурсы географи

Конкурсы хайад райсæн ис дунейы кæцыфæнды бæстæйы цæрæгæн дæр

Конкурсы хорзæхтæ

  1. Конкурсы бæлвырд цæудзысты:

I – аг бынат;

II-аг бынат;

III-аг бынат;

IV-æм бынат – Поэзиуарзджыты хорзæх.

  1. Конкурсы уæлахиздзауты уацмыстæ мыхуыр æрцæудзысты журнал «Фидиуæг»-ы 5-æм номыры.
  2. Номыр æгасæйдæр баст уыдзæн Хетæгкаты Къостайы ном æмæ йе сфæлдыстадимæ. Хетæгкаты Къостайы 165 азы журналы юбилеон 5 номыр мыхуыры рацæудзæн сентябрь-октябры мæйты (журнал мыхуыры цæуы дыууæ мæйы иу хатт).

Уырыссагау фыст уацмыстæ

Конкурсы бацамынд мидисыл уырыссаг æвзагыл фыст уацмыстæн сæ хуыздæртæ мыхуырмæ лæвæрд æрцæудзысты Хуссар Ирыстоны мыхуыры цæуæг УÆЛАА (Уырыссаг Æвзаг Æмæ Литературæйы Ахуыргæнджыты Ассоциации) журналы «Русское слово в Южной Осетии».

Удæгас чи нал у, уыцы авторты уацмыстæн дæр сæ хуыздæртæ мыхуыргонд уыдзысты журнал «Фидиуæг»-ы Хетæгкаты Къостайы юбилейон 5 номыры.

Конкурсы уæлахиздзауты нысан кæныны бынат

Конкурсы уæлахиздзаутæ нысангонд цæудзысты Республикæ Хуссар Ирыстоны, ХИПУ-йы æмбырдгæнæн залы 2024 азы  10 октябры.

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.