Юстицийы министр Лалыты Залинæ Хицауады Сæрдар Пухаты Эрикæн хыгъд радта 2019 азы фыццаг æмбисы бакæнгæ куысты тыххæй.
Хицауады Сæрдар банысан кодта ведомствойы æнтыстджын куыст.
«Ды активон куыст кæныс æрмæст юстицийы аппараты мидæг нæ, фæлæ структурон дæлхæйттимæ дæр, стыр куыст кæныс республикæйы закъæтты унификаци кæныны фæдыл, уый тыххæй мын фехъусын кæныс æрвылкъуырион хыгъдты. Бузныг дын дæ куысты тыххæй, абон та мæ фæнды куысты иумæйаг нымæцтыл æмæ проблемон фарстытыл æруынаффæ кæнын», – банысан кодта Пухаты Эрик.
Министр фехъусын кодта, зæгъгæ, æрдæг азы дæргъы куыст цыд æмбæстагон, социалон, экологон фадгуыты закъондзинад фæхуыздæр кæнын, расттæрхонады гъæд фæхуыздæр кæныны, уголовон æфхæрдтытæ æххæст кæныны, адвокатурæ, нотариат æмæ æндæр фадгуыты.
Хыгъдон рæстæджы Юстицийы министрад иумæйагæй радта 369 экспертон хатдзæджы нормативон-барадон акттæ, уыдоны нымæцы дæлведомствойон акттæ дæр РХИ-йы Конституцимæ гæсгæ цас раст сты, уый фæдыл ауагъта барадæй пайда кæныны фæдыл мониторинг.
Паддзахадон нотариустæ равзæрстой 7 644 нотариалон куырдиаты, паддзахадон фиддонты бæрц уыд 548 734 сомы, ЗАГС-ы управленийы регистраци æрцыд 581 акты æмбæстагон уавæры тыххæй, кæцы 2018 азмæ абаргæйæ у 77 акты фылдæр.
Тæрхондонон приставты службæйы куысты хатдзæгтыл дзургæйæ, нысан æрцыд азы фыццаг æмбисы æххæсткæнынадмæ ист кæй æрцыд 2 212 æххæсткæнынадон хъуыддаджы, уыдонæй æххæст æрцыдысты 1653, ома, сæ 75 проценты. Паддзахады пайдайæн ахынцыд æрцыд 2 462 306 сомы.
Уымæй дарддæр ма, Юстицийы министрад куыст адарддæр кодта пенитенциарон системæ, паддзахадон регистрацийы службæ, кадастр æмæ картографийы куысты эффективондзинад фæхуыздæр кæныны фæдыл.
Цæрджытæн цæмæй æнцонвадатдæр уа, уый тыххæй кадастрон службæ æмæ БТИ иугонд æрцыдысты «Иу рудзынг»-мæ гæсгæ, службæйы специалисттæ регулярон æгъдауæй цæуынц районтæм, цæмæй хъæуы цæрджытæн баххуыс кæной бынаты сæ фарстытæ скъуыддзаг кæнынæн.
Лалыты Залинæ банысан кодта, зæгъгæ, Юстицийы министрад фæндон бахаста цæрджытæн æнæаргъ юридикон æххуыс сорганизаци кæныны тыххæй. Йæ ныхæстæм гæсгæ, ацы фарсты фæдыл куыст цæуы республикæйы адвокатон корпусимæ.
Фембæлды рæстæджы ма банысанчындæуыд, зæгъгæ, Юстицийы министрад дарддæр кусы республикæйы закъæтты унификаци кæныныл, ныры домæнтæм сæ æркæныныл, афтæ ма ног райсгæ кæнæ бахæсгæ ивындзинæдтимæ нормативон-барадон акты бюллетентæ рауадзыныл, цæмæй рæстæгыл мыхуыр æрцæуой æмæ семæ зонгæ кæной цымыдисгæнæг организацитæ.
Пухаты Эрик банысан кодта, уый кæй у министрады куысты ахсджиаг хай. «Махмæ ис закъондæттæн акттæ, кæцытæ ист æрцыдысты 90-æм азты. Уыдонæй сæ иу хаймæ хъæуы ивындзинæдтæ бахæссын, кæнæ та сæ бынтон дæр сисын. Кæй зæгъын æй хъæуы, уый у стыр куыст – æркæсын æмæ сбæ-рæг кæнын æппæт чи нæ кусынц кæнæ æнæкор-ректонæй чи кусынц, уыцы нормативон-барадон документтæ, фæлæ мæн ныфс ис, уæ разылæууæг хæстыл кæй фæтых уыдзыстут», – банысан кодта Хицауады Сæрдар.
Ныхасы рæстæджы дзырд цыдис проблемон фарстытыл дæр. Сæрмагондæй, министр фехъусын кодта, нормативон-барадон актты стыр гуырахст организацитæм æрвыст æрцæуынц кæронмæ сыл бакусыны тыххæй. Æрдæг азы дæргъы ахæмтæ уыдысты 46.
Хицауады сæргълæууæг банысан кодта, зæгъгæ, æнæмæнгхъæуæг у министрадты æмæ ведомствоты юридикон службæтимæ куыст фæактивондæр кæнын.
Кæронбæттæны Пухаты Эрик банысан кодта, Юстицийы министрады хыгъд бæстон æмæ пайдайаг кæй уыд.
«Проблемæты фехъуыстам, фарстытæ æвæрд æрцыдысты, скъуыддзаг сæ кæндзыс-тæм. Сæйраг у дарддæр дæр афтæ кусын», – загъта Пухаты Эрик æмæ Лалыты Залинæйæн йæ цæст бауарзта дарддæры æнтыстытæ.
***
Республикæ Хуссар Ирыстоны Хицауады Сæрдар Пухаты Эрик йæхимæ райста Информаци æмæ мыхуыры паддзахадон комитеты сæрдар Хъотайты Марияйы, цæмæй йæ базонгæ кæна ведомствойы 2019 азы фыццаг æмбисы куысты фæстиуджытимæ.
Ведомствойы къухдариуæггæнæг банысан кодта, хыгъдон рæстæджы комитет кæй ауагъта 30 мадзалæй фылдæр, кæцытæ здæхт сты паддзахадон информацион политикæ реализаци кæнын, нырыккон техникон æгъдауæй ифтонг информацион бастдзинад рæзын кæнын, кæцы оперативон æгъдауæй кусы республикæйы куыд æддагон, афтæ мидæггагон хъуагдзинæдтæн.
Уæлдай хъусдард здæхт уыд æддагон информацион политикæ, дунеон тыгъдады Хуссар Ирыстоны æвæрццаг имидж саразыны те-мæмæ.
Фембæлды рæстæджы нысан æрцыд, зæгъ-гæ, комитет активонæй кусы «гом тыгъдад» саразынæн, цыран чиновникты аппаратæн сæ бон уыдзæн ралæууын æмæ æхсæнадæн сæ хъуыдытæ зæгъын.
Хъотайты Марияйы ныхæстæм гæсгæ, хицауады æмæ æхсæнады æнгом æмархайд фæбæрзонддæр кæндзæн райсгæ фарстыты эффективондзинад æмæ иумæйагæй паддзахадон аппараты куысты гъæд.
Комитеты сæрдар банысан кодта, зæгъгæ, хаттæй-хатт чиновниктæ алыгъуызон æфсæнт-ты хуызы сæхи иуварс кæнынц æргом диалогæй, кæцы негативон æгъдауæй æндавы сæ ими-джыл.
Уымæй уæлдай ма комитет кусы чингуытæ рауадзыныл, фыццаджы уал ирон æвзагыл. Æдæппæтæй азы фыццаг æмбисы республикон полиграфион-кондадон арæзтадон баиугонд рауагъта 23 плангонд чингуытæй 14.
Уагъд ма цыд активон куыст республикæйы информацион ресурстыл газет рафысджыты ны-мæц фæфылдæр кæнын æмæ æввахс æмæ дард фæсарæнты ирæтты фыдыбæстæйон периодикон мыхуырæй ифтонг кæнын.
Хицауады Сæрдар саргъ кодта Комитеты куыстæн æмæ ныфс бавæрдта, сæ разылæууæг фарстытæн алыварсон æххуыс кæй кæндзæн, уымæ.
«Райсомы цауты бакаст мæнæн райдайы информагентад «Рес»-ы сайтæй, цыран æвдыст цæуынц практикон æгъдауæй æппæт актуалон цаутæ куыд мидæггагон, афтæ, республикæйы арæнтæй ахизгæйæ цы цæуы, уыдæттæ. Хорз æмвæзадыл кусынц æндæр информацион ресурстæ дæр. Ахсджиаг у информацион технологиты фадыг рæзын кæнын, уæлдайдæр, тагъд ивгæ реалитæ хынцгæйæ», – банысан кодта Пухаты Эрик.
Comments are closed, but trackbacks and pingbacks are open.