Хуссар Ирыстоны фондз азмæ Уæрæсейы æххуысæй арæзт æрцы-дысты 400 алыгъуызон объектæй фылдæр, – уый тыххæй фехъусын кодта республикæйы Президент Тыбылты Леонид.

Ныртæккæ Хуссар Ирыстоны Уæрæсейы Федерацийы æххуысæй реализаци цæуы социалон-экономикон рæзтæн ахъазгæнæг Инвестицион программæ (2015-2017 азтæн), кæцыйæн йæ иумиаг аргъ у 9 миллиардæй фылдæр.

«Фондз азмæ бирæ саразын бантыст республикæйы æндидзынады фарстыты – 400 объектæй фылдæр арæзт æмæ æндидзыд æрцыдысты, уый Хуссар Ирыстонæн у серьезон нымæц. Махæн сæрыстырæй нæ бон зæгъæн у, зæгъгæ, фæуд кæны университетон комплексы арæзтад, æввахсдæр рæстæджы мах эксплуатацимæ ратдзыстæм Паддзахадон драмон театры ног бæстыхай. Республикæйы арæзт æрцыдысты рынчындæттæ, скъолатæ, сывæллæтты цæхæрадæттæ», – загъта эфиры телеканал «Россия 24»-йæн Хуссар Ирыстоны сæргълæууæг.

Тыбылты Леониды ныхæстæм гæсгæ, республикæйы арæзт æрцыдысты ног фæндæгтæ. «Кæд æмæ раздæр нæ столицæ Цхинвал фæндæгтæй баст нæ уыд цæрæн пункттимæ, уæд абон республикæйы æппæт цæрæн пункттæ дæр баст сты сæйраг горæтимæ ног фæндæгтæй, кæцытæ дзуапп дæттынц абоны боны домæнтæн», – банысан кодта Президент.

Йæ ныхæстæм гæсгæ, республикæйы цæттæ цæуынц ног программæтæ, кæцытæ æххæссынц фарстыты комплексыл, куыд паддзахадон арæзтадмæ, афтæ уæвæг структурæты рæзтмæ дæр. «Цæмæй æнæниздзинад хъахъхъæныны фадыджы махæн фадат уа бынаты  æппæт æнæмæнгхъæуæг медицинон æххуыс бакæнын, мах кусæм ууыл дæр. Кæронмæ фæуыдзыстæм гемодиализимæ хирургион корпусы арæзтад, кæцы никуы уыд нæ республикæйы æмæ-иу нæ рынчынты бахъуыд республикæйæ æддæмæ ацæуыны сæр медицинон æххуыс райсыны тыххæй», – йæ ныхасмæ бафтыдта Тыбылты Леонид.

Comments are closed, but trackbacks and pingbacks are open.