2016 азы 23-æм ноябры Уæрæсейы Федерацийы Республикæ Хуссар Ирыстоны минæварад хайад райста аивадон равдыст «Сири – хæдбардзинады 70 азы» гом кæныны церемонийы. Равдыст сорганизаци кодта Мæскуыйы Хицауады цур Нациты хъуыддæгты фæдыл совет, Националон-культурон бынтæ æмæ этнокультурон рæзты фæдыл къамис æмæ Регионалон-æхсæнадон организаци «Арабская диаспора» Æхсæнадæмон проект «Терроризм – угроза цивилизации»-йы Организацион комитетимæ, Хæрзаудæн фонд «РУССАР», Уырыссаг центр «Иерусалим» æмæ Æхсæнадон дипломатийы фондимæ иумæ.
Равдысты уыдысты зынгæ сириаг æмæ уæрæсейаг нывгæнджыты конд нывтæ, гобелентæ, къамтæ æмæ Сириаг Арабаг Республикæйы сабырадон рæзты дуджы конд декоративон-прикладон аивады предметтæ.
Культурæйы фарстаты фæдыл атташе Владимир Сергеев арфæйы ныхæстæ загъта равдысты организатортæ æмæ хайадисджытæн. Уый сæрмагондæй раарфæ кодта Сириаг Арабаг Республикæйы делегацийæн, кæцыйы сæргъ лæууыд Уæрæсейы Федерацийы Сирийы минæвар Риад Хаддад, афтæ ма раарфæ кодта равдысты уазджытæн дæр. Сергеев фарсхæцынад равдыста Сирийы адæммæ æмæ банысан кодта аивады иугæнæг роль, Сирийы адæмæн загъта сабырад, фæрныгад, хæрзиуджытæ æмæ аивады здæхты æнтыстджын куысты фæндиæгтæ.
Равдыст официалонæй гом кæныны церемонийы, кæцы ауагъдæуыд Мæскуыйы Нациты хæдзары, хайад райстой дипломатон корпусы минæвæрттæ, Федерацийы Советы уæнгтæ æмæ Уæрæсейы Федерацийы Паддзахадон Думайы депутаттæ, культурæ æмæ ахуыргæндтæ æмæ аивадты архайджытæ.
Æхсæндунеон проекты оргкомитет фæхуыдта Республикæ Хуссар Ирыстоны минæварады, цæ-мæй хайад райсой форум «Нырыккон этапы Сириаг Арабаг Республикæйы æмæ Æввахс Скæсæны бæстæты культурон бынты бахъахъхъæныны проблемæтæ»-йы куысты, кæцы уыдзæн 1-æм декабры Мæскуыйы Нациты хæдзары, дипломаттæ, политологтæ, историктæ, археологтæ, ныгуылæнамонджытæ, Уæрæсейы политиктæ æмæ æхсæнадон архайджыты хайадистæй.
Comments are closed, but trackbacks and pingbacks are open.