Уæрæсейы Федерацийы Президент Владимир Путин раарфæ кодта РХИ-йы Президент Бибылты Анатолийæн Уæрæсейы Федерацийы ‘рдыгæй Республикæ Хуссар Ирыстоны хæдбардзинад банымайыныл 10 азы сæххæсты боны цытæн.
Арфæйы фыстæджы дзырдæуы:
«Цытджын Анатоли Ильяйы фырт!
Уæрæсейы Федерацийы ‘рдыгæй Республикæ Хуссар Ирыстоны хæдбардзинад банымайыныл 10 азы сæххæсты боны цытæн арфæ кæнын дæуæн æмæ республикæйы æппæт æмбæстæгтæн.
2008 аз Уæрæсе æфсымæрон хуссарирыстойнаг адæмы агрессийæ бахъахъхъæныны хъуыддаг йæхимæ куы райста æмæ уый фæстæ уæ бæстæйы паддзахадон суверенитет куы банымадта, уæд байгом кодта уæрæх перспективæтæ республикæйы сæрмагонд рæзтæн.
Уæрæсейы æхцондзинадимæ нысан кæнынц, Хуссар Ирыстоны паддзахиуæгады институттæ саразыны хъуыддаджы æнтыстытæ, афтæ ма национ рæзты алыгъуызон фадгуыты дæр. Фæнд кæнæм дарддæр дæр хуссарирыстойнаг партнертæн æххуыс кæнын сæ разылæууæг хæстæ скъуыддзаг кæныны хъуыддаджы, афтæ ма национ æдасдзинад сифтонг кæныны хъуыддаджы дæр.
Мæ цæст дын уарзы, Анатоли Ильяйы фырт, фидар æнæниздзинад, фæрныгад æмæ æнтыстытæ, Хуссар Ирыстоны æмбæстæгтæн та – сабырад æмæ дидинæфтыд».
Comments are closed, but trackbacks and pingbacks are open.