Хицауады сæрдар Джуссойты Константин президенты номæй схорзæхджын кодта Финансты министрады хуыздæр кусджыты РХИ-йы финансон системæйы рæзтмæ сæ сæрмагонд хайбавæрды, бирæ азты дæргъы цæсгомджын куысты, афтæ ма Финансисты боны цытæн.
Джуссойты Константин раарфæ кодта министрады кусджытæн æмæ сын йæ цæст бауарзта æнтыстджын куыст паддзахады хæрзиуæгæн, афтæ ма сын раарфæ кодта республикæйы боны цытæн дæр.
«Уæ архайды эффективондзинад, финансон хæстæ раст скъуыддзаг кæнынимæ баст у нæ паддзахады экономикæйы стабилондзинад, социалон æмæ æндæр проекттæ æнтыстджынæй реализаци кæнын. Ныфс мæ ис, уæ цæсгомджын куыст дарддæр дæр кæй ахъаз кæндзæн республикæйы рæзтæн иумæйагæй», – загъта хицауады сæрдар.
Республикæ Хуссар Ирыстоны Кады грамотæтæ хицауады сæрдары къухæй райстой казначействойы управленийы инвестицион программæйы хайады хистæр Гассеты Натали, казначействойы управленийы инвестицион программæты хайады сæйраг казначей Коцты Ларисæ, Финансты министрады бюджеты æфтиæгтæн анализ кæныны хайады консультант Коцты Олеся æмæ фæллойад æмæ куыстмызды хайады хистæр Мæргъиты Томирис.
Comments are closed, but trackbacks and pingbacks are open.