Хуссар Ирыстоны паддзахадон университеты ректор Тедеты Вадим æвзæрст æрцыд Университетты евроазийаг ассоциацийы советмæ, уырдæм бацыдысты Уæрæсейы æмæ фæссоветон тыгъдады уæлдæр ахуыргæнæндæтты 23 къухдариуæггæнæджы.
Виктор Садовничийы фæхуындмæ гæсгæ ХИПУ-йы ректор Тедеты Вадим 11-æм апрелы хайад райста Советы куысты.
Ассоциацийы президент, Мæскуыйы паддзахадон университеты ректор Виктор Садовничий æгасцуат загъта æрæмбырдуæвджытæн, æмæ банысан кодта организацийы стыр нысаниуæг, йæ разылæууæг ахсджиагдæр фæдыздæхтытæ æмæ хæстæ. Афæдзы дæргъы Советы куыстæн хатдзæгтæ аразгæйæ, Виктор Садовничий æндæр бадзырдты æхсæн банысан кодта МПУ æмæ ХИПУ-йы æхсæн 2016 азы 12 апрелы æмгуыстады тыххæй бадзырд.
ХИПУ-йы ректор Тедеты Вадим раарфæ кодта Виктор Садовничийæн, æрæджы йæ райгуырæн бон кæй уыд, уый цытæн, æмæ йын бузныг загъта Хуссар Ирыстоны университетмæ йæ лæмбынæг хъусдарды тыххæй. Афтæ ма МПУ-йы докторантурæйы ахуыр кæныны фадат кæй уыдис филологон зонæдты кандидат Дзиццойты Юри æмæ политикон зонæдты кандидат Плиты Сосланæн. Дзырд цæуы МПУ-йы кафедрæтæм ХИПУ-йы 16 кусæджы сфидар кæныны фадатыл дæр кандидатон диссертацитыл бакусыны сæраппонд. Виктор Садовничий зæр-дæ бавæрдта дарддæр дæр сын æх-хуыс кæнынæй, цæмæй МПУ æмæ ХИПУ-йы æхсæн æмгуыстад уа, куыд амал ис, афтæ ахадгæдæр.
Советы ма уынаффæ цыд евразийаг университеттæ саразын æмæ уыдоны хайадист уæлдæр ахуыргæнæн-дæтты Мæскуыйы æхсæнадæмон рейтингы.
Хуссарирыстойнаг университеты ректор бавдыста уыцы фарсты фæдыл йæ уынынад тезисты хуызы:
«Рейтингон университетты критеритæ саразын ахсджиаг у куыд ахуырадон, афтæ экономикон æмæ политикон здæхтыты дæр, уæлдæр ахуыргæ-нындæтты æхсæн абитуриенттæ æрбахоныны сæраппонд æхсæнадæмон конкуренци куыд тыхджындæр кæны, уый хынцгæйæ.
Йæ методологи иумæйагæй хорз хъуыдыгонд у, ис зонады æртæ сæйраг хайы – ахуырад, университет æмæ æхсæнад. Фæлæ хъæуы хынцын, сæйраг горæтты стыр уæлдæр ахуыргæнæндæттæ цы уавæрты кусынц, уымæн абарæн нæй УФ-йы æмæ ХПÆ-ы бæстæты чысыл уагдæтты уавæртимæ. Стыр уæлдæр ахуыргæнæндæттæ сæрысуангæй дæр, уыдзæн æмбулæг рейтингон уавæры, зæгъæм абитуриентты бæрц æмæ гъæдæй, ацы ран йæ кад æмæ ном йæхимæ задхдзысты скъолайы рауагъдонты. Фылдæр ахуыргæнджытæ дзы куы уа, уæд уый цыфæндыйæ дæр нысан кæны публикациты фылдæрбæрц, гаранттæ æмæ зонадон æхсæнады перспективон бастдзинæдтæ, уыцы нымæцы фæса-рæны дæр”, – банысан кодта ХИПУ-йы ректор.
Йæ ныхæстæм гæсгæ чысыл ахуырадон уагдæттæн дæр сæхи бынаты чысылдæр нысаниуæг нæй стыр университеттæй, сæхи республикæты зонадон, культурон æмæ ахуырадон центртæ уæвгæйæ. Зæгъæм, Абхазы паддзахадон университет, Приднестровьейы паддзахадон университет, Хуссар Ирыстоны паддзахадон университет æмæ æндæртæ. Æмбæлоныл банымадта, республикæты экономикæ æмæ социалон фадыджы уавæр хынцæг коэфициенттæ бахæссын, æмæ уымæ гæсгæ рейтингон аргъ скæныны фæлмæндæр системæ саразын.
Тедеты Вадим растыл нæ банымадта сæйраг критериты нымæцы уадзын ахæм, куыд Scpus æмæ Web of science-ы индексацигонд фæрæзты публикацитæ ис æви нæ, уый. Йæ хъуыдымæ гæсгæ, уый у тыхаразгæ æмæ бирæбæрцæй зонады уавæр чи нæ æвдисы, ахæм критери. Уыимæ иумæ, хъæуæгыл банымадта ахæм зонадон-метрион (зонады тыххæй ахуырад) бæ-рæггæнæнты ахсджиагдзинад, куыд, баххæссæн кæмæ ис, ахуыргæндты уыцы мыхуыргонд куыстытæй куыд пайда цæуы æмæ цас сты, уый. Фæсарæнты цас нымад сты нæ бæрæггæнæнтæ, уый фæдыл иттæг адзæгъæл уæвын та нысан кæны, нæ националон зонад æмæ ахуырадыл иттæг кæй не ‘ууæндæм, æмæ уый та æп-пындæр раст нæу, – зæгъгæ.
Ацы мадзалы рæстæджы ХИПУ-йы ректор æрныхас кодта кусæгон фарстытыл УФ-йы æмæ ХПÆ-йы бæстæты, уыцы нымæцы Хуссар Федералон университеты ректор Маринæ Боровскиимæ, Абхазы æмæ Приднестровейы паддзахадон университетты ректортæ Алеко Гварамия æмæ Степан Берилимæ.
Рабадты ма хайад райстой Уæрæсейы ректорты цæдисы æмæ Мæскуыйы æхсæнадæмон рейтинг уæлдæр ахуыргæнæндæтты Экспертон совет «Три мисси университета»-йы уæнгтæ, афтæ ма Педагогон университетты евразийаг ассоциацийы, Техникон университетты ассоциацийы ми-нæвæрттæ, Республикæ Чувашийы Сæргълæууæг Михаил Игнатьев, иукъорд бæстæйы уæлвæткон æмæ æххæстбарджын минæвæрттæ.
Университетты евразиаг ассоциацийы цур арæзт æрцыд фæсарæйнаг рауагъдонты ассоциаци. Уыцы хъæппæрисы фарс рахæцыдысты уæлдæр ахуыргæнæндæтты ректортæ, Советы уæнгтæ.
Ректор Тедеты Вадимимæ делегацийы сконды уыд зынгæ ахуыргонд-лингвист, ирон æвзаг æмæ æвзагзонынады кафедрæйы гæс Дзиццойты Юри.
Дзиццойты Юри ауагъта иукъорд фембæлды скæсæны тыххæй ахуырад æмæ æвзагзонынады институтæй йæ коллегæтимæ.
Comments are closed, but trackbacks and pingbacks are open.