Зынаргъ, Республикæ Хуссар Ирыстоны цæрджытæ!

Зæрдæбынæй уын арфæ кæнын æрбалæугæ Ног аз æмæ Чырыстийы райгуырды сæраппонд!

Мах алы хатт дæр ацы диссаджы бæрæгбонты ныфс æмæ цинимæ бæттæм хæрзиуæгон ивындзинæдтимæ, нæ бæллицты сæххæстимæ æмæ, кæй зæгъын æй хъæуы, фæстиуджытæ аразын æмæ фидæны фæндтæ нывæндынимæ.

Аивгъуыйгæ аз нын нæ зæрдыл лæууын кæн-дзæн нысаниуæгджын цауты, кæцытæ позитивонæй бандæвтой нæ Республикæйы царды алы сферæйыл дæр, фæхуыздæр кодтой адæмы царды гъæд, байгом кодтой ног фадæттæ æмæ хъæппæристæ æнæниздзинад хъахъхъæныны, ахуырады, амалиуæгады, инвестицион политикæйы.

Зынаргъ хæлæрттæ, цытджын æмзæххонтæ! Куыд стыр, афтæ чысыл хъуыддæгтæ дæр нæ Фыдыбæстæйы тыххæй  сты нæ иумæйаг уæлахизыл дзурæг. Уымæ гæсгæ мæ фæнды бузныг зæгъон алкæмæн дæр Республикæ Хуссар Ирыстоны рæзтмæ йæ хайбавæрды тыххæй.

Разæй ис бирæ ахсджиаг хæстæ æмæ, 2020 аз цахæм уыдзæн, уый дæр у махæй кæнгæ. Нæ дызæрдыг кæнын ууыл, нæ иумæйаг архайды фæрцы Республикæ Хуссар Ирыстоны горæттæ æмæ хъæуты цард кæй уыдзæн хуыздæр æмæ хæрзиуæгондæр.

Зынаргъ хæлæрттæ! Уадз, æмæ Цыппурсы æвидигæ тыхæй йедзаг уæд уæ хæдзæрттæ! Мæ зæрдæ уын зæгъы, цæмæй æнæмæнг фехъусат бузныджы ныхæстæ уæ намысджын куысты тыххæй æмæ райсат аккаг хæрзиуджытæ! Уадз, æмæ сæххæст уæд уæ иууыл хуыздæр бæллицтæ!

Æнæниздзинад, уарзондзинад, дидинæфтыд æмæ æнтыстытæ!

***

Республикæ Хуссар Ирыстоны Хицауады Сæрдар Пухаты Эрик ма ногазон арфæтæ ракодта Уæрæсейы Федерацийы Хицауады Сæрдар Дмитрий Медведевæн, Уæрæсейы Федерацийы Хицауады сæрдары хæдивæг Виталий Муткойæн, Уæрæсейы Федерацийы Цæгат Кавказы хъуыддæгты фæдыл министр Сергей Чеботарев, йæ хæдивæг Игорь Кошин æмæ æндæр бæрнон адæймæгтæн.

Пухаты Эрикæн Ног аз æмæ Цыппурсы сæраппонд раарфæ кодтой Уæрæсейы Федерацийы Хицауады Сæрдар Дмитрий Медведев, Донецкы Адæмон Республикæйы Сæргълæууæг Денис Пушилин, Республикæ Абхазы Премьер-министр Валерий Бганба, Республикæ Арцахы Паддзахадон министр Григорий Мартиросян, Уæрæсейы Федерацийы Хуссар Ирыстоны Уæлвæткон æмæ  æххæстбарджын минæвар Гасситы Знауыр æмæ æндæртæ.

Comments are closed, but trackbacks and pingbacks are open.