Джуссойты Константин ауагъта æмбырд Хицауады Уынаффæйы проект «Инвестицион проекттæн паддзахадон æххуысы мадзæлтты тыххæй, кæцытæ реализаци цæуынц Республикæ Хуссар Ирыстоны территорийыл 2022-2025 азты социалон-экономикон рæзтæн ахъазгæнæг паддзахадон программæйы реализацийы фæлгæтты райсыны фæдыл».

Инвестортæн паддзахадон æххуыс у ахсджиаг хъуыддаг. Уый фæахъаз уыдзæн нæ республикæйы территорийыл инвестицион проектты реализацийæн, кæцыты руаджы нæ республикæйы экономикæйы æппæт фадгуытæ схиздзысты рæзты уæлдæр къæпхæнмæ, сæрмагондæй та фæахъаз уыдзæн республикæйы рæзты сæйраг фадыг — хъæууон хæдзарады размæцыдæн.

Ацы Уынаффæмæ гæсгæ фидар æрцыдысты:

Республикæ Хуссар Ирыстоны территорийыл инвестицион проектты реализацийы тыххæй хатырон ставкæтæм гæсгæ кредиттæ чи райста, фæлæ уыцы кредиттæй æфтиæгтæ чи нæ райста, уыцы кредитон организацитæн се ’фтиæгтæ баххæст кæныны тыххæй Паддзахадон бюджетæй субсидитæ дæттыны фæтк;

Паддзахадон æххуысы тыххæй 2022-2025 азты Хуссар Ирыстоны социалон-экономикон рæзты паддзахадон программæйы фæлгæтты инвестицион проекттæ чи реализаци кæны, уыцы юридикон адæймæгтæ æмæ индивидуалон амалиуæггæнджытæн, кæцытæ æвзæрст æрцыдысты Паддзахадон бюджетæй субсидитæ дæттыны фæтк;

Республикæ Хуссар Ирыстоны территорийыл 2022-2025 азты Хуссар Ирыстоны социалон-экономикон рæзты паддзахадон программæйы фæлгæтты паддзахадон æххуысы тыххæй инвестицион проекттæ æвзарыны фæтк.

Паддзахадон бюджеты тыххæй закъонмæ бахастæуыд ивындзинæдтæ

Министрты кабинет сразы «2022 азы Республикæ Хуссар Ирыстоны Паддзахадон бюджеты тыххæй» закъонмæ ивындзинæдтæ бахæссыны закъоны проектыл. Закъоны проект райст æрцыд сфидаргонд бюджетон ассигновациты фæлгæтты Паддзахадон бюджеты æфтиæгты хайы корректировкæйы æнæмæнгхъæуындзинады тыххæй.

2022 азы Паддзахадон бюджеты æфтиæгты иумиаг суммæ нæ ивы, ныртæккæ у 8981752,41 мин сомы.

Фæхуыздæр уыдзæн тæрхондоны приставты системæ

Хицауады æмбырды хорзыл нымад æрцыдысты тæрхондоны приставты системæ фæхуыздæр кæнынмæ здæхт закъондæттæг инициативæтæ.

Сæйраджыдæр райст æрцыд закъоны проект «Республикæ Хуссар Ирыстоны Юстицийы министрады æфхæрдтæ æххæстгæнæг управленийы чи службæ кæны æмæ Республикæ Хуссар Ирыстоны Тæрхондоны приставты службæйы чи кусы æмæ ацы ведомствойы æмбæлон кары онг чи службæ кæны, кæнæ æмбæлон пенсион кары кæй уыдысты, уый тыххæй йæ куыстæй кæй ссæрибар кодтой, уыцы адæймæгты æмæ сæ бинонты пенсион ифтонгады тыххæй».

Ацы закъоны проект райст æрцыд, банысангонд органты службæгæнджытæй Юстицийы министрадмæ фыстæджытæ кæй цæуы, уый тыххæй. Фыстæджыты автортæ министрадæй домынц сæ закъонон барты реализаци.

«Ацы адæймæгтæ службæ кодтой сæ цардæн æмæ æнæниздзинадæн тæссаг уавæрты. Закъоны проекты нысан у социалон хахъхъæнынады мадзæлттæ райсын æмæ социалон рæстдзинад сæндидзын кæнын», — бамбарын кодта юстицийы министр Гаглойты Олег.

Райст æрцыдысты закъоны проекттæ «Тыхæй æххæст кæныны органы тыххæй» закъонмæ ивындзинæдтæ бахæссыны тыххæй«. Фидаргонд æрцыд банысангонд ведомствомæ кусынмæ бацæуыны тыххæй анкетæйы формæ æмæ цалдæргай бынæтты кусыны тыххæй Уагæвæрд.

Хицауады уæнгтæ ивындзинæдтæ бахастой «Æфсæддондохтырон экспертизæйы Уагæвæрды тыххæй» Уынаффæмæ.

Ивындзинæдтæ хаст æрцыд Хицауады æндæр Уынаффæтæм дæр.

Comments are closed, but trackbacks and pingbacks are open.