Хуссарирыстойнаг æвзонг спортсментæ хайад райстой г. Ессентукийы уагъдцæуæг Александр Клюкины номарæн турниры ленк кæнынæй. Ерысты дыккаг бынат бацахста Уалыты Валерия. Уымæн ахæм æнтыст йæ къухты бафтыд брассы стилæй 50 метры дистанцимæ.

Тренер Евгения Терлеева куыд хъусын кæны, афтæмæй РХИ-йы командæ йæхи равдыста хорз. «РХИ-йы командæйы сконды уыдысты 12 спортсмены – 8 лæппу æмæ 4 чызджы. Сывæллæттæн ис хорз потенциал, тынг хорз сæхи æвдыстой доны. Æнæхъæн командæ йæхи равдыста аккагæй», –  банысан кодта Евгения Терлеева.

Командæйы уæнгты ерыстæм бацæттæ кодтой Евгения Терлеева, Тототы Хасан æмæ Плиты Ацæмæз.

УÆГЪДИБАР ХЪÆБЫСХÆСТ

Будапешты уагъд æрцыд Европæйы чемпионат уæгъдибар хъæбысхæстæй. Ерысты кæд Уæрæсейы æмбырдгонд командæ хайад нæ райста, уæддæр ерыстæ нæ баззадысты æнæ Ирыстоны минæвæрттæй. Зæгъæм, чемпионаты уæлахиздзау ссис Салхъазанты Таймураз, кæцы хъахъхъæдта Словакийы спортивон кад. 74 кг уæзы категорийы финалы йæ ныхмæлæууæг уыд Европæ æмæ дунейы бирæ хæттыты чемпион, Олимпион хъæзтыты призер Франк Чамизо. Банысан кæнын хъæуы уый, æмæ Таймуразæн æрмæстдæр тохы фæстаг секундты йæ бон ссис хыгъды размæ рахизын æмæ афтæмæй ерысты уæлахиздзау суæвын.

Хъыгагæн, Ирыстоны хъæбысхæсты скъолайы иннæ хъомылгæнинаг Байцаты Владиславæн финалы йæ бон не ссис Азербайджаны минæвары рамбулын. Афтæмæй бацахста дыккаг бынат æмæ æвзист майдан æрхаста Венгрийы командæйæн, кæцыйы скондмæ рахызт ивгъуыд аз. 97 кг уæзы категорийы ма бронзæйон призер ссис Цæкуылты Батырбег. Уый хæцыд Словакийы командæйы сконды.

ХУРИТЫ Батрадз

Ацы æрмæджытæ дæр бакæс:

Default Thumbnail2020 азы спортивон æнтыстытæ Спорт Спорт Спорт Хуссар ирыстоны ленк кæныны райрæзты æвæрццаг перспективæтæ

Comments are closed, but trackbacks and pingbacks are open.