Зонæдты, ахуырады, аивады æмæ культурæйы дунеон славяйнаг академийы президент Сергей Бабурины фæхуындмæ гæсгæ Уæрæсейы Республикæ Хуссар Ирыстоны минæварад хайад райста дунеон æхсæнадон-политикон форум «За единство Европы. Как восстановить взаимное доверие»-йы куысты.

Конференцийы куысты хайад райстой Уæрæсейы Федерацийы Паддзахадон Думæйы депутаттæ, Уæрæсейы аккредитацигонд дипломатон мисситы минæвæрттæ, Уæрæсе, Белоруси, Серби, Болгари, Чехи æмæ æндæр бæстæты культурæйы зынгæ архайджытæ.

Зонæдты, ахуырады, аивады æмæ культурæйы дунеон славяйнаг академи у патриотон ориентацийы æхсæнадон организаци. Уый йæ хæсыл нымайы зонадон-техникон æмæ сфæлдыстадон тыхты æмбырд кæнын, кæцытæ патриотон ахаст дарынц уырыссаг æмæ славяйнаг идеятæм, Уæрæсейы æмæ адæмты сноггонд цæдисы æндидзын кæнынмæ, кæцы историон æгъдауæй сæвзæрд фæстаг мин азы дæргъы уырыссаг адæмы алыварс Уæрæсейы тыгъдады  20-æм æнусы 70 азмæ, цыбыр историон фазæйы раздæры Советон Цæдисы. Дунеон славяйнаг академи хайад исы Уæрæсейы адæмты иу кæныны идеологи æмæ концепци бакусыны, нырыккон дунейы хи бахъахъхъæнын, 21-æм æнусы сæ рæзты тыххæй. Академи хæцы раздæры Советон Цæдисы адæмты æмæ славяйнаг адæмты, æмæхсæнады æмæ общинæты иудзинады концепцийы æвварс, кæцытæ сты æндæр бæстæты.

Республикæ Хуссар Ирыстоны минæварады пресс-службæ

Comments are closed, but trackbacks and pingbacks are open.