ХÆХХОН ЗÆХХЫТЫ ХЪОМЫСАД ÆМÆ БÆРКАД РАРГОМ КÆНЫНЫ НЫСАНÆН

Бекъойты Геннади йæхимæ райста Уæрæсейы зонæдты академийы Северцовы номыл Экологи æмæ эволюцийы проблемæты фæдыл институты директор Вячеслав Рожновы къухдариуæгадæй уæрæсейаг ахуыргæндты къорды.

Фембæлды хайад райстой Республикæ Хуссар Ирыстоны Уæрæсейы Федерацийы минæварады уынаффæгæнæг-минæвар Александр Журов æмæ Геологи, геодези, картографи, экологи æмæ æрдзæй пайда кæныны фæдыл комитеты сæрдар Бестауты Бала.

Фембæлды рæстæджы æруынаффæ кодтой Дзауы районы Ерманы хъæуы хæххон-уæлвæзон станцы зонадон куыст адарддæр кæныны фарстытыл республикæйы хæххон территориты рæзты контексты, æмæ экологийы фæдыл уæрæсейаг-хуссарирыстойнаг иумæйаг центр  саразыны фæдыл æхсæнхицауадон сразыдзинады проект бацæттæ кæныныл.

Бестауты Балайы ныхæстæм гæсгæ, центр саразыны нысан у Ерманы хъæуы станцы зонад-иртасæн архайд сног кæнын, æмæ йын йæ фæстиуджытæ арæзтадон практикæйы сфидар кæнын.

«Хæххон зæххыты хъомысад раргом кæнынæн ис ахсджиаг нысаниуæг республикæйы социалон-экономикон рæзты. Бушты бинонты иртасæн архайд райдиан æрæвæрдта хæххон зæххы куысты рæзтæн æмæ Уæрæсейы æмæ Хуссар Ирыстоны зонадон æмæхсæнадты иумæйаг тыхтæй уый хъæуы адарддæр кæнын», – банысан кодта Бекъойты Ген-нади.

Банысангонд ма æрцыд, хæххон-уæлвæзон станцы куыст сног кæнын ахсджиаг кæй у студенттæ, æвзонгг ахуыргæндтæ-экологтæ, биологтæ, аграритæ, фармацевтты зонадон-арæзтадон практикæ сорганизаци кæнынæн.

Зæрдыл лæууын кæнæм, Ерманы стационарон хæххон-уæлвæзон станцæн бындур кæй æрæвæрдтой Николай æмæ Елизаветæ Буш 1937 азы.

ССР Цæдисы зонæдты академийы номæй Бушты бинонтæ ныммыхуыр кодтой монографи «Ботаническое исследование Юго-Осетии», кæцы басгуыхт фондзтомон академион рауагъдад «Производственные силы Юго-Осетии»-йы бындурæн.