Фашизмыл Стыр Уæлахизы 71 азы сæххæсты агъоммæ Уæрæсейы Федерацийы Президент Владимир Путин раарфæ кодта Хуссар Ирыстоны Стыр Фыдыбæстæйон хæсты хайадисджытæн. Уый тыххæй фехъусын кодта Хуссар Ирыстоны Уæрæсейы минæварады пресс-службæ.
Хуссар Ирыстоны Уæрæсейы минæварады кусджытæ Уæрæсейы Президенты арфæйы фыстæджытæ радтой Хуссар Ирыстоны цæрæг Стыр Фыдыбæстæйон хæсты хайадисджытæн.
Минæварады уынаффæгæнæг Сергей Манько фехъусын кодта: «Ветеранты республикон совет махмæ радта хæсты 50 хайадисæджы номхыгъд, кæцытæ ныртæккæ цæрынц республикæйы æппæт районты æмæ Цхинвалы горæты. Ныртæккæ мах Уæрæсейы Федерацийы Æдасдзинады Федералон службæйы Арæнгæрон управленийы æмæ Ветеранты республикон советы минæвæрттимæ фæуд кæнæм ацы хæрзиуæгон мисси. Уыцы стыр, æгъатыр хæсты тохты хайад чи истой, уыцы цытджын салдаттæ, сержанттæ æмæ афицертæн мах дæттæм фыстæджытæ æмæ Хуссар Ирыстоны Уæрæсейы Федерацийы минæварадæй та лæвæрттæ. Æхсызгон у нæ хъайтартæм кæсын, кæд сыл азтæ сæ уæз æруагътой, уæддæр удæй сты фидар. Сæ мысинæгтæ уæззау тохты тыххæй, куыд сæфтой сæ хæстон æмбæлтты æмæ, кæй зæгъын æй хъæуы, Стыр Уæлахизы циндзинад махмæ æвзæрын кæнынц сæрыстырдзинад се сгуыхтдзинæдты тыххæй»
Comments are closed, but trackbacks and pingbacks are open.