Пандеми, коронавирус, социалон дистанци, индивидуалон хъахъхъæнæн фæрæзтæ – ацы ныхæстæ та ногæй æрбиноныг кæнынц нæ цард æмæ ныхасы. Цæхгæр та нын фæивтой нæ цард ивы æхсæнад æмæ адæмы ахаст цардмæ. Инфекцион низ парахат кæныны ныхмæ архайыны фæдыл Оперативон штабы рабадты уынаффæтæм гæсгæ та нæ бæстæйы æмбæстæгты цард æмæ æнæниздзинад бахъахъхъæныны æмæ вирус апарахат кæны-нæн уæлдай уавæртæ ма радтыны нысанæн нæ республикæйы территорийыл конд æрцыд фæкъуындæггонд мадзæлттæ.

Æрвылбон дæр ацы низ рабæрæг кæныны тыххæй уагъд цæуынц æмбæлон иртасæнтæ.

Коронавирусон инфекци рабæрæг кæныны фæдыл цы 156 иртасæнтæ арæзт æрцыд ПЦР лабораторийы, уыдонæй знон 23 тесты равдыстой æвæрццаг фæстиуæг. Бæстæйы сæйраг санитарон дохтыр Коцты Маринæйы ныхæстæм гæсгæ уыдон сты иу суткæйы дæргъы бæрæггæнæнтæ.

Йæ ныхæстæм гæсгæ ныртæккæ дохтырты хъус-дарды бын сты 248 рынчын æмбæстаджы, æхсæз адæймаджы та  афыстой хæдзармæ.

Пандемийы рапарахатæй фæстæмæ ацы инфек-цион низы ахæсты бахаудтой 3 673 адæймаджы. 3 425 адæймаджы дзы сдзæбæх сты.

Æмткæй сисгæйæ, Хуссар Ирыстоны пандемийы   апарахатæй фæстæмæ коронавирусон инфекци рабæрæг кæныны нысанæн арæзт æрцыд 25 081 иртасæн куысты.

Вакцинæ у низы ныхмæ сæйраг фæрæз

Цыфæнды низ æруромыны сæйраг фæрæз дæр у вакцинæ. Нæ республикæйы территорийыл дæр ныридæгæн уагъд цæуы уæрæсейаг вакцинæ «Спутник V» -йæ пайда кæныны хъуыддаг. Алы адæймаг дæр хъуамæ æмбара бæрндзинад йæхи æмæ æхсæнады раз, ныртæккæ махæй алкæмæйдæр бирæ аразгæ у, цæмæй низы авналæнтæ фæкъуындæг уой. Пандемийы рапарахатæй махæн нæ уыд уыцы фадат, фæлæ ахуыргæндтæ уæхск-уæзæй уымæн куыстой ацы низы ныхмæ вакцинæйыл, цæмæй ныр мах алыгъуызон хæццæгæнæн ныхæстæ æмæ хъуыдытæ аиуварс кæнæм æмæ спайда кæнæм вакцинæйæ.

РХИ-йы фæлхасгæнджыты бартæ æмæ хæрзиуджытæ хъахъхъæныны къабазы хъусдарды фæдыл комитеты сæрдар Коцты Маринæйы ныхæстæм гæсгæ рог рынчынтæ хъуамæ бадой хæдзары, режим хъахъхъæной æмæ æппынæдзух фадыгон дохтырты зонгæ кæной сæ уавæримæ.

«Тагъд æххуыс» – ы станц кæны стыр куыст

Æрвылбон дæр горæт Цхинвалы ацы станцы кусджытæ ацæуынц 50 онг сидтытæм. «Тагъд æххуыс»-ы бригадæты куыст ныртæккæ у æндыгъд æмæ уæззау. Сæ уавæр уæззау цы рынчынтæн вæййы, уыдон фæхæццæ кæнынц республикон би-рæпрофилон рынчындоны инфекцион хайадмæ, иннæтæн та кæнынц хæдзары æнæмæнгхъæуæг æххуыс.

Нæ уацх.

 

Comments are closed, but trackbacks and pingbacks are open.