Тыбылты Алыксандры номыл Хуссар Ирыстоны паддзахадон университеты уагъд æрцыд зонадон-методикон æмæ æхсæнадон-литературон журнал «Русское слово в Южной Осетии»-йы 20-æм юбилейон рауагъды презентаци. Мадзалмæ хуынд æрцыдысты экономикон фарстыты фæдыл РХИ-йы президенты паддзахадон уынаффæгæнæг Пухаты Эрик, Хуссар Ирыстоны Уæрæсейы æххæстбарджын минæвар Марат Кулахметов, «Россотрудничество»-йы сæргълæууæг Сергей Скворцов, нæ горæты скъолаты уырыссаг æвзаг æмæ литературæйы ахуыргæнджытæ, студенттæ æмæ æндæр уазджытæ.

Хуссар Ирыстоны уырыссаг æвзаг æмæ литературæйы ахуыргæнджыты Ассоциацийы президент Тедеты Залинæ раарфæ кодта æрæмбырдуæвджытæн. Уæлдай бузныджы ныхæстæ загъта Ассоциацийы куысты активонæй чи архайы, уыдонæн, афтæ ма ХИПУ-йы ректор Тедеты Вадим, Марат Кулахметов æмæ Сергей Скворцовæн организаци-мæ сæ хъусдарды æмæ æххуысы тыххæй. Журнал «Русское слово в Южной Осетии» у республикæйы уырыссаг æвзаг популярон кæныны тыххæй.

«Россотрудничество»-йы сæргълæууæг Сергей Скворцов банысан кодта, зæгъгæ,  журналы мыхуыр æрцыдысты уацтæ, кæцытæ цымыдисон уыдзысты æрмæст уырыссаг æвзаджы ахуыргæнджытæн нæ, фæлæ кæцыфæнды адæймагæн дæр. Журналы бакæсæн ис куыд уырыссаг классикты, афтæ студентты æмдзæвгæтæн дæр. Ис дзы зонадон уацтæ æмæ аргъæуттæ дæр. Уый банысан кодта, зæгъгæ, журнал азæй-азмæ кæны цымыдисондæр. Уый  раарфæ кодта мадзалы хайадисджытæн журналы юбилейон рауагъды тыххæй, бафæндыд æй рауагъдæн дарддæры рæзты фæндиæгтæ.

ХИПУ-йы ректор Тедеты Вадим дæр раарфæ кодта уырыссаг æвзаг æмæ литературæйы ахуыргæнджытæн æмæ Ассоциацийы сæргълæууæг Тедеты Залинæйæн. Бафæндыд æй уыдонæн дарддæры æнтыстытæ. «Русское слово в Южной Осетии» у респуб-ликæйы иунæг журнал, кæцы уагъд цæуы уырыссаг æвзагыл. Тедеты Залинæйы ныхæстæм гæсгæ журнал у ахæм сфæлдыстадон æмæ экспертон фæзуат, цыран ахуыргæнджытæ сæ фæлтæрддзинад амонынц кæрæдзийæн.

Уæ зæрдыл уын лæууын кæнæм, журнал «Русское слово в Южной Осетии»-йæн бындур æвæрд кæй æрцыд 2013 азы. Хуссар Ирыстоны уырыссаг æвзаг æмæ литературæйы ахуыргæнджыты Ассоциаци та арæзт æрцыд 2011 азы. Организаци саразыны иницаторæй ралæууыд ХИПУ-йы уырыссаг æвзаджы кафедрæ. Ассоциацийы бындурæвæрджытæ сты Хуссар Ирыстоны паддзахадон университет, РХИ-йы зонад-иртасæн институт æмæ РХИ-йы Ахуырад æмæ зонады министрады кусджыты квалификаци бæрзонддæргæнæн институт.

Нæ уацх.

Ацы æрмæджытæ дæр бакæс:

Университеты 90 азы юбилеймæ — бæрæгбонон лæвар Сæрмагонд рауагъд геноциды фæдыл Уырыссаг дзырд – нæ иугæнæг Журналы юбилейон номыры презентаци «Ирыстоны фысджыт滫Ирыстоны фысджытæ»

Comments are closed, but trackbacks and pingbacks are open.