Республикæ Хуссар Ирыстонмæ кусæгон балцы æрцыдысты Цæгат Кавказы хъуыддæгты фæдыл Уæрæсейы Федерацийы министрады делегаци, æхсæнадæмон æмгуыстады департаменты хистæр Антон Мельникы сæргълæудæй.
РХИ-йы Хицауады Сæрдар Пухаты Эрик æмбырд ауагъта делегацийы уæнгтимæ, министрадты æмæ ведомствоты къухдариууæггæнджытимæ. Æмбырды сæйраг темæ уыд, 2018-2019 азты Инвестицион программæ сæххæст кæнын, объектты арæзтадыл, афтæ ма Уæрæсейы Федерацийы æмæ Республикæ Хуссар Ирыстоны ‘хсæн æмгуыстад æмæ интеграцийы тыххæй хицæн бадзырдтæ сæххæст кæнын.
Сæйраджыдæр ныхас цыд, ныры Инвестицион программæйы проектон куысты тыххæй документаци саразын, кондадон æмæ фæлхасадон згъæлæнты æппарæнты утилизаци кæнын, медицинон уагдæтты ифтонггæрзтæй сифтонг кæнын, республикæйы районты электрохызæгты смодернизаци кæнын, экономикæйы реалон секторы проекттæ райрæзыны тыххæй æхцайы фæрæзтæ хицæн кæныны фарстатыл.
Афтæ ма уынаффæ кодтой, цæмæй республикæйы паддзахадон æмæ муниципалон уаг-дæтты мызд фæфылдæр кæной æмгуыстад æмæ интеграцийы бадзырды фæлгæтты, РХИ-йы Мидхъуыддæгты министрады иумæйаг информацион-координацион центры куыст æххæст кæнын, республикæйы мидхъуыддæгты министрады кусджытæн сæ мызд æмæ сæ социалон гарантитæ фæфылдæр кæнын æмæ уыдоны материалон-техникон ифтонгад фæхуыздæр кæнын.
Comments are closed, but trackbacks and pingbacks are open.