Ацы азы кæронмæ Хуссар Ирыстоны эксплуатацимæ лæвæрд æрцæудзысты социалон нысаниуæджы къорд ахсджиаг объекттæ, кæцытæ аразын райдыдтой аивгъуыйгæ 2016 азы. Уыдонæй сæ иу у ног университетон комплекс, кæцы арæзт цæуы, 2008 азы августы хæсты чи басыгъд, уыцы бæстыхайы бынаты. Комплексы сты сæйраг корпус – цыппаруæладзыгон    ахуыргæнæн бæстыхай 700 бынатæн, культурон-хиирхæфсæн корпус, спортивон зал æмæ уæлдæр ахуырады агъоммæ цæттæгæнæн центр.

Культурон-хиирхæфсæн корпусы уыдзысты актон зал 300 адæймагæн, библиотекæ, музей æмæ видеостуди. Административон ахуыргæнæн хайы та – аудиторитæ æмæ деканат. Спортивон залы хъазæн уыдзæнис волейболæй, баскетболæй мини-футболæй. Уыдзæнис дзы хинайæнтæ æмæ дарæсивæн-тæ. Æппæт корпустæ дæр иф-тонг уыдзысты ног хъæдын дзаумæттæ æмæ инвентарæй.

Комплексы алыварс территори схæрзарæзт кæнгæйæ, ам уыдзæн фонтан, фæхсбандæттæ, æхсæвыгон дзы уыдзæнис рухс, ныссадзысты дзы цъæхдарæнтæ.

Куыд ма хъусын кодтам, афтæмæй Хуссар Ирыстоны паддзахадон университеты ног корпусы арæзтад реализаци цæуы 2015-2017 азтæн Хуссар Ирыстоны социалон-экономикон рæзтæн ахъазгæнæг Инвестицион программæйы фæлгæтты. Объекты иумæйаг аргъ, проектон-сметæйон документациимæ у 646 милуан сомы, арæзтады фæзуат та 1200 квадратон метры.

Объекты паддзахадон за-къазгæнæг у республикæйы Арæзтад, архитектурæ æмæ цæрæнуатон-коммуналон хæдзарады министрад. Генералон подрядчик та у хуссарирыстойнаг фирмæ арæнгонд бæрндзинады æхсæнад «Мегаполис-Т».

Фирмæйы прораб Цоциты Тамаз куыд зæгъы, афтæмæй ныртæккæ объекты кусынц 85 адæймаджы бæрц, архайынц дзы уæззау техникæйы 6 иуæджы.

Уый куыд загъта, афтæмæй кусæгон графикмæ гæсгæ культурон-хиирхæфсæн корпусы ныртæккæ ахорынц къулты. Актон залы æвæрынц паркетон фæйнæджытæ. Бæстыхайы мидæгæй монтаж кæнынц ауындзгæ цырæгътæ.

Тагъд темптæй æххæст цæуынц æддейæ куыстытæ дæр. Ам кусынц инженерон хызæгтæ уадзыныл, цоколы фæлындзынц керамикон плиткæйæ.

«Цокол фæлындзын цахæмфæнды бæстыхайы арæзтады рæстæджы дæр æрмæст декоры фарст нæу, фæлæ ма цоколон уæладзыджы кæны хъахъхъæнгæ дæр алыгъуызон боныгъæдтæй: митæй, къæвдайæ…

Керамогранит у натуралон æрмæг. Йе сконды ис æлыг, кварцæй змис, æфсæйнаг æмæ æндæр æрмæджытæ, уыдон сты æдас адæймаджы æнæниз-дзинадæн, экологион æгъдауæй сты сыгъдæг. Ацы арæзтадон æрмæг бæстыхайæн дæтты элегантондзинад æмæ рæсугъддзинад» – банысан кодта прораб.

Административон ахуыргæнæн корпусы та цæуынц фасад-ахорæн куыстытæ.

Цоциты Тамаз куыд зæгъы, афтæмæй ныртæккæ уæлдæр ахуырады агъоммæ цæттæгæ-нæн корпусы фыццаг уæладзыджы куыстытæ фæуд кæнынц къулты шпатлевкæ кæныны, мидæггагон дуæртты æвæрыны æмæ фасад керамогранитæй плиткæйæ фæлындзыны фæдыл куыстытæ.

Æппæт куыстытæ хъуамæ фæуой азы кæронмæ, фæлæ подрядчик ныфс æвæры, зæгъгæ, комплексы арæзтад хъуамæ фæуа ноябры мæйы райдианмæ.

«Æппæт куыстытæ дæр æххæст цæуынц гъæдджынæй, график хъахъхъæнгæйæ. Финанскæнынад у стабилон, æнæкъуылымпытæй.», – банысан кодта объекты генералон подрядчик Джусойты Константин.

Æхсæнадæмон

информацион агентад «Хуссар Ирыстон абон»

Comments are closed, but trackbacks and pingbacks are open.