«Евродон»-ы компанийы къорды сæргълæууæг радта рауæрæхгонд бизнес-интервью Санкт-Петербурджы уагъдцæуæг сæрмагонд æхсæнадæмон форум «АгроПро»-йы фæлгæтты уагъдцæуæг форумы.

Интервьюйы рæстæджы Уанеты Вадим радзырдта маргъы фыдызгъæлгуыстгæнæг фадыгæн канд йæ абоны уавæры æмæ æввахсдæр саразинæгты тыххæй нæ, фæлæ ма уæрæсейаг фосдарды раз карзæй чи лæууы (уæрæсейаг фосдарды къабаз раззагон бæстæтæй фæстæдæр зайы 50-100 азы бæрц), селекци æмæ генетикæйы уыцы фарстытимæ баст ног фадаттæ, фæндтæ æмæ проектты тыххæй дæр. Уый фадат радта фыдыбæстæйон Агрокондадон комплексæн алыгъуызы дæр размæ абырсыны, гогызы фыдызгъæл уадзыны хъуыддаджы импорты æндæвдадæй фервæзыны, продукцийы хæрзгъæддзинады гаранти сифтонг кæныны фадат.

Уымæй дарддæр ма Уанеты Вадим йæ интервьюйы радзырдта холдинг «Евродон»-ы рæзты тыххæй. Цæвиттон, компанийы къорды æрмæст дыууæ фадыгыл æрлæууинаг не сты, фæлæ ахуыр кæнынц маргъдарды ахæм къабаз райтынг кæнын, куыд бабызтæ хъомыл æмæ уыдон фыдызгъæлы куыст кæнын.

Уанеты Вадим ракой кодта базарадон хызæг райтынг кæныны фарсты тыххæй дæр. Æввахсдæр рæстæджыты холдинг кæны Мæскуы æмæ Санкт-Петербурджы цалдæр дукани бакæныны фæнд. Кæд æмæ ацы проект ахадгæ уа, уæд дуканиты бæрц фæфылдæр кæндзысты. Байгом уыдзысты дуканитæ бæстæйы хуссар хайы дæр, сæрмагондæй та — Цæгат Ирыстоны.

Бизнес-интервью равзæрын кодта стыр цымыдис фыдыбæстæйон æмæ фæсарæйнаг агроспециалисттæм æмæ дзыллон информацийы фæрæзты минæвæрттæм. Æдæппæтæй дзы хайад райста 100 адæймаджы бæрц.

 

Comments are closed, but trackbacks and pingbacks are open.