Хуссар Ирыстонмæ æрхæццæ сты, республикæйы Æнæниздзинад хъахъхъæныны министрад мæскуыйаг хæрзаудæн фонд «Алантæй» лæварæн кæй райста, тагъд æххуысы уыцы машинæтæ.

Знон республикæйы территоримæ æрластæуыд Тагъд æххуысы 10 хæдтулгæйы. Уыдон лæвæрд æрцыдысты Æнæниздзинад хъахъхъæныны æмæ социалон рæзты минстрадæн лæварæн. Уырдыгæй рæхджы уæрст æрцæудзысты горæты æмæ районты ведомствотыл.

Президент Тыбылты Леонид банысан кодта, зæгъгæ, бузныг у, ацы хæрзаудæн хъуыддаджы хайад чи райста, æппæт уыдонæй. Ахæм бадзырд саразын къухы бафтыд æрæджы Хуссар Ирыстоны сæргълæууæджы кусæгон балцы рæстæджы Уæрæсейы сæйраг горæтмæ.

«Æз бузныг дæн нæ мæскуыйаг хæлæрттæй. Уыдон равдыстой ахæм ахсджиаг хъæппæрис», – загъта Президент.

Æнæниздзинад хъахъхъæныны  æмæ социалон рæзты министр Григори Кулиджанов, машинæтыл æмбæлгæйæ, банысан кодта, зæгъгæ, «медицинон уагдæтты автопарк сног кæныны хъуыддаг кæддæриддæр уыд актуалон», æмæ бузныджы ныхæстæ загъта республикæйы разамынад æмæ уæрæсейаг бизнесменты номыл.

Мæскуыйаг хæрзаудæн фонд «Алантæ»-йы финансон æххуысы фæрцы ма Хуссар Ирыстоны æххæстгонд цæуы комплексон информацион системæйы проект «Æдас горæт».

Республикæ Хуссар Ирыстоны Президенты официалон сайт   

Ацы æрмæджытæ дæр бакæс:

Йæ царды нысан ссис адæмæн хорздзинад аразын Default Thumbnail2017-2021 азты æмгъуыдæн Республикæ Хуссар Ирыстоны Æнæниздзинад хъахъхъæныны рæзты Концепци Тематикон конференци/ Фидар æрцыд Хуссар Ирыстоны æнæниздзинад хъахъхъæныны рæзты концепци Default Thumbnail2016-2020 азтæн РХИ-йы æнæниздзинад хъахъхъæныны рæзты программæ – нацийы æнæниздзинады бындур РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй

Comments are closed, but trackbacks and pingbacks are open.