ТЫБЫЛТЫ Леонид: «Æз æууæндын адæмы куырыхондзинадыл»

Республикæ Хуссар Ирыстоны Президент Тыбылты Леонид бæстæйы паддзахадон арæзты æмæ адæймагон потенциал реализаци кæныны фæдыл уавæртæ саразыны тыххæй:

Республикæ Хуссар Ирыстон хизы уыцы арæнмæ, кæцы ныридæгæн домы рацæугæ фæндагæн аргъ скæнын æмæ рæзты стратеги æмæ хæстыл ног домæнтæм гæсгæ  хъуыды кæнын. Фæстаг фондз азы республикæйы царды сæйраг здæхт сси 2011-2012 азты системон политикон кризисæй стабилондзинад æмæ фидар рæзтмæ рахызт.

Фыццаградон хæс уыд республикæйы æмбæстагон сабырдзинад сæндидзын кæнын æмæ политикон тыгъдады æмгуыстад æрнывыл кæнын. Уыцы хъуыддаг саразын нæ къухты бафтыд æмæ минималон политикон тасдзинæдтæй паддзахадон арæзты, республикæйы экономикæ æмæ социалон фадыг сæндидзын кæныны этапмæ рахизын. Хуссар Ирыстон чысыл бæстæ у, фæлæ нæ разы лæууынц стыр æмæ бæрнон хæстæ, кæцытæ баст сты мидæггагон æмæ æддагон политикæимæ. Махæн принципиалонæй ахсджиаг у Хуссар Ирыстоны адæмы куыстуарзондзинад æмæ фæндондзинадæй æнæхъæн дунейæн фенын кæнын, зæгъгæ, уыцы проекттæ, кæцытæ баст сты Уæрæсеимæ интеграци æмæ æмцæдисадимæ, гæнæн ис æмæ æнтыстджын уой æппæт здæхтыты дæр. Уый хауы глобалон политикон фадыгмæ æмæ, æгæрыстæмæй, цивилизацион конкуренцимæ дæр.

Нæ хæс у Уæрæсейы фарсæрыдгæй æххуысыл æнцой кæнгæйæ, инновацион рæзтмæ рахизын æмæ Хуссар Ирыстоны адæймагон потенциалы рæзты тыххæй æппæт уавæртæ дæр сифтонг кæнын æмæ куыд уæрæсейаг паддзахаддзинадмæ интеграцимæ цæттæ уæвын, афтæ ма (кæд æмæ Уæрæсейæн ситуацийы ахæм рæзт ныртæккæйы этапы разына æнæприоритетон) хисæрмагонд паддзахаддзинад сфидардæр кæнынмæ дæр.

Мæн арæх фæрсынц: Республикæ Хуссар Ирыстоны рæзты ахсджиагдæр здæхтытыл цы банысан кæнис, кæцытæ хауынц нæ адæмы царды уаг фæбæрзонддæр кæныны тыххæй? Æз нымайын афтæ, æнæдызæрдыгæй, позитивон процесстæ æмæ æнтыстытæ баст сты иумиагæй республикæйы æмæ йæ сæйраг горæт Цхинвалы социалон-экономикон æмæ инфраструктурон проблемæты æнæхъæн комплекс аскъуыддзаг кæнынимæ. Уырдæм гæнæн ис ахæссын, зæгъæм, донифтонгады системæ æрнывыл кæнын, кæцы архайы практикон æгъдауæй æнæкъуылымпыйæ, æгæрыстæмæй, доны проблемæ аскъуыддзаг кæнын къухты не фтыд советон азты дæр. Бæрзондхæххон хъæутæм электрондых бауа-дзын, афтæ ма сæм фæндæгтæ саразын дæр. Планон газификаци, æгæрыстæмæй, республикæйы иууыл дæрддагдæр хъæутæм дæр.

Республикæйы рæзты тыххæй уæлдай ахсджиагдæр хæс уыд фæндагон арæзтады фæдыл проекттæ среализаци кæнын, куыд централон магистралон трассæты, афтæ дæрддаг Ленингоры æмæ Знауыры районты дæр. Уæрæсейы æххуысыл æнцой кæнгæйæ, царды гъæд фæбæрзонддæр кæныны тыххæй реализаци цæуынц куыд цæрæнуатон фонды, уæлдайдæр та социалон цæрæнуаты, афтæ инфраструктурæйы объекттæ дæр. Республикæ Хуссар Ирыстоны активонæй арæзт цæуынц скъолайы агъоммæйы кары уагдæттæ, скъолатæ, рынчындæттæ, культурæйы хæдзæрттæ, арæзт цæуы республикон театры бæстыхай, йæ куыст райдыдта республикон музей. Республикæйы уæлдæр ахуырад æмæ зонады системæ æндидзыд цæуы. Фидар æрцыдысты президентон стипендитæ. Куыст цæуы куыд материалон базæ саразыны планы, сæрмагондæй, райдыдта университетон корпусы арæзтад, афтæ ма уæрæх нысаниуæджы Тыбылты Алыксандры номыл Хуссар Ирыстоны Паддзахадон университеты интеграци Уæрæсейы ахуырадон æмæ зонадон тыгъдадмæ. Æххæст цæуы æвзонг квалификациджын æмфыдыбæстæйонты куыстæй сифтонг кæныны фарст дæр.

Принципиалон æгъдауæй мæ бон нæу сразы уæвын уыцы адæймæгтимæ, кæцытæ тырнынц сæ минутон амбицитæм гæсгæ фæстаг азты Хуссар Ирыстоны адæмы къухты хорзæй цы бафтыд, уыдонæй алцыдæр ахахх кæнын. Хъыгагæн, республикæйы ис ахæм тыхтæ, кæцыты фæнды сæхи нысæнт-ты тыххæй президентон æвзæрстыты размæ бæстæйы стабилондзинад фехалын. Уыимæ, ацы кампани цæуы уыцы «политиктæй», кæцытыл 2011 азы ирон адæм се ууæнк нæ бафтыдтой. Фæлæ, номхуындæй, уыдон тырнынц сæ хиуарзондзинад æмæ эгоизмы тыххæй мидполитикон кризис спровокаци кæнынмæ æмæ нын нæ республикæйы йæ экономикон æмæ социалон-политикон рæзты фæстæмæ аппарынмæ.

Республикæйы деструктивон тыхты архайдтытæ, кæцытæ сыгъдæг демагогийæ фæлварынц хицауады куыст схæццæ кæнынмæ, сты сæ адæмы ныхмæ архайдтытæ æмæ уыцы политикæйы ныхмæ, кæцыйы Хуссар Ирыстонмæ ахасты уадзы Уæрæсейы къухдариуæгад. Хуссар Ирыстоны хæс у рæзын æмæ йе ‘мбæстæгты комфортон царды тыххæй уавæртæ аразын, æмæ ма уыимæ мах хъуамæ æппæт тыхтæй дæр хæцæм æфсымæрон Уæрæсейы полити-кæйы æвварс, кæцы хъахъхъхъæны нæ республикæйы æмæ иумиагæй регионы стабилондзинад æмæ прогрессы принциптæ. Демагогтæ, рæсугъд ныхæстæ кæнгæйæ, æмæ хъуыддаджы та Хуссар Ирыстоны стабилондзинад халгæйæ, фæлварынц махмæ ахæм сценари саразын, кæцы гæнæн ис æмæ æркæна нæ адæмæн æнæбæллиццаг процесстæм дунейы ацы æнæнцой рæстæджы.

Ныртæккæ тынг ахсджиаг у хицауиуæгады стабилондзинад бахъахъхъæнын æмæ 2011 азы цаутæ сфæлхатт кæнын ма бауадзын, уыимæ ма ис, махæй алкæмæндæр зындгонд чи сты, ахæм политикон тыхтæ æввахс æмæ дард фæсарæнты, кæцытæ цæттæ уыдзысты цахæмфæнды серьезон проблемæйæ спайда кæнынмæ дæр, уыимæ ма мидполитикон конфликт у куыд Хуссар Ирыстоны ныхмæ, афтæ Уæрæсейы ныхмæ дæр. Мæхицæн ахсджиагыл нымайын æппæт мæ ныфсæвæрдтытæ сæххæст кæнын. Цы проекттæ сфæнд кодтам, уыдон среализаци кæнын æмæ æхсæнады стабилондзинад бахъахъхъæнын.

Политикæйы æмæ управленийы алыхатт къухты нæ бафты саразын, развæлгъау плангонд цы уыд, уыцы плæнтты, æмæ æз дæр уынын уыцы хъæндзинæдтæ, кæцытыл хъæуы дарддæр кусын. Уыимæ иумæ уынын уый дæр, æмæ махæн кæй ис æнтыстытæ  Хуссар Ирыстонæн сæйраг фарстыты – политикæ, экономикæ, социалон фадыджы. Уыдон нын фадат дæттынц дарддæр дæр размæ цæуынæн, Уæрæсеимæ интеграци арфдæр кæнынæн, республикæйы мидполитикон стабилондзинад хъахъхъæнгæйæ æмæ экономикæ рæзын кæнгæйæ. Æххæст цыдæй цæуы 2015 азы 18-æм марты УФ æмæ РХИ-йы ‘хсæн Æмцæдисад æмæ интеграцийы тыххæй бадзырды пунктты реализаци. Хуссар Ирыстоны адæм темпераментон сты, фæлæ ма уыцы адæм сты хæстонтæ æмæ фæллойгæнджытæ, æмæ алыхатт дæр сæ бон суыдзæн политикон куырыхондзинады цæвиттонтæ равдисын, демагогты сæ бынаты æрбадын кæнгæйæ, цахæмфæнды рæсугъд лозунгты бын сæхи ма æмбæхсой, уæддæр. Æз æууæндын Хуссар Ирыстоны адæмы куырыхондзинадыл æмæ серьезон фæсидтытæм нæ кæсгæйæ, фидæнмæ кæсын оптимизмимæ.

Газет «Известия»