Сылгоймаг-паддзах Тамарæ æмæ «Уæлмонцы уагæвæрд»

Мӕскуыйы газет «Грузия»-йы рацыд Александр Эбаноидзейы уац «Цавӕр ӕвзагыл дзырдта сылгоймаг-паддзах Тамарӕ». Автор быцӕу кӕны зындгонд ахуыргонд-литературӕиртасӕг Вадим Кожиновимӕ, кӕцы зӕрдӕрисгӕйӕ кӕны кавказаг драмӕйы кой ирд публицистикон эссе «Кавказаг ӕлхынцъ»-ы. Мыхуыргонд ӕрцыд «Литературон Уӕрӕсе»-йы (ацы азы 11-13 номырты).

Цӕй мидӕг ис сӕ быцӕуы мидис? Эбаноидзе, зӕгъы, зӕгъгӕ, ис дыууӕ хуызы ӕмбарынады «абхаз» ӕмӕ «абхазаг» – «кожиноваг» ӕмӕ «мамардашвилиаг» ӕмӕ «иртасын нӕ хъӕуы, дыууӕ авторӕй гуырдзиаг истори хуыздӕр чи зоны, уый» ӕмӕ дзуры В. Кожиновы ныхмӕ. Уый уыцы уацы ӕвдыст цӕуы, канд «Гуырдзыстоны территориалон ӕнӕхъӕндзинад ныффалгӕрон кӕныны», фыдӕлтӕй баззайгӕ зӕххытӕ дзы фӕхицӕн кӕныны», Уӕрӕсе Гуырдзыстоны «аннекси» кӕныны идеологӕй нӕ, фӕлӕ «Кандид ӕмӕ Марко Полойы ӕнӕхиндзинад кӕмӕ ис, кӕфхъуындары дӕндӕгтӕ» чи тауы, ахӕм адӕймаджы хуызы. Цӕмӕн? Уымӕн ӕмӕ В. Кожинов афтӕ нымайы, ӕмӕ мифон «территориалон ӕнӕхъӕндзинады» тыххӕй нӕй марӕн, стигъӕн, тыхми кӕнӕн. Абхази ӕмӕ Гуырдзыстон иу не сты, астӕуӕнусы, дам, ныртӕккӕйы Гуырдзыстоны республикӕйы бынаты уыд паддзахад «абхазты паддзахдзинад». Сылгоймаг-паддзах Тамарӕ, дам, йӕ фыртыл сӕвӕрдта абхазаг ном Лаша ӕмӕ дзырдта абхазагау дӕр. Рагон уырыссаг фыстытӕм гӕсгӕ, обезтӕ, фыццаджыдӕр, уыдысты абхазӕгтӕ ӕмӕ афтӕ дарддӕр. В. Кожиновы уацы наукон ӕцӕгдзинад ӕмӕ ӕндӕр хъуыддӕгтимӕ разы нӕ уӕвгӕйӕ, Эбаноидзе фӕндон хӕссы, цӕмӕй сӕм кӕсой куыд «политикон здӕхт акци». Ӕнӕ уый та у иннӕрдӕм.

Тезис «Абхази» – Гуырдзыстон у»-йы фарс хӕцгӕйӕ, Эбаноидзе ӕрхаста зындгонд философ М. Мамардашвилийӕ цитатӕ. Уый та сӕрмагондӕй абхазӕгты ӕмӕ гуырдзиӕгты этногенезы фарстытӕ никуы иртӕста, уыцы адӕмты тыххӕй историон зонындзинӕдтӕ та райста, Гуырдзыстоны фылдӕр адӕмы хуызӕн Берияйы рӕстӕджы ахуыргӕнӕн чингуытӕ ӕмӕ куыстытӕй. Мӕнӕ уыцы цитатӕ: дзырд «Абхаз»у синоним дзырд «Гуырдзыстон»-ӕн. Уый синоним у, наци йӕ равзӕрд цы символикӕйы фӕлгӕты хъуыды кӕны, уым, хъуыды кӕны, паддзахаддзинад цы уавӕрты сӕвзӕрд, ӕмӕ бирӕ аххосӕгтӕм гӕсгӕ йӕхи абхазаг чи хуыдта, уый уыдис гуырдзиаг паддзахаддзинад саразӕг архайджытӕй иу, уымӕй дӕр гуырдзиаг ӕвзагыл дзурӕг. Абхазаг этносы политикон ӕгъдауӕй ифтонгдӕр иу хай архайдта гуырдзиаг паддзахаддзинад ӕмӕ культурӕйы сарӕзты хъуыддаджы. Уымӕ гӕсгӕ, гуырдзиагӕн куы зӕгъай, Абхаз Гуырдзыстонӕй рахицӕн уыдзӕн, зӕгъгӕ, уӕд уый, Гуырдзыстон йӕхӕдӕг йӕхицӕй рацӕудзӕн, уымӕй уӕлдай нӕу».

Афтӕ, Мамардашвили ӕмӕ Эбаноидзейы сӕйрагдӕр аргументтӕ сты «символикӕ», «ӕцӕгдзинады нӕ, фӕлӕ монцы структурӕ». Философы ӕмӕ йе ‘мхъуыдыгӕнджыты историон хатдзӕг Гуырдзыстон ӕмӕ Абхазийы тыххӕй цы «символикӕйы» фӕлгӕты архайы, уым абхазӕгты ӕвӕры, йӕхи ӕвзаг, культурӕ кӕмӕн нӕй, уыцы этносы ӕмвӕзадыл. Ӕцӕгдзинады сӕрты ахизгӕйӕ та Абхазийы стынг ис хӕст (историйы фыццаг хатт нӕ): мӕрдтӕ, стигъыны фыдракӕндтӕ, лигъдӕттӕ, сыгъд библиотекӕтӕ, архивтӕ ӕмӕ ӕндӕр «монцтӕ». Дзырд «Абхаз» та дзырд «Гуырдзыстон»-мӕ ницы бар дары. «Абхаз» равзӕрд «Абасги»-йӕ, уый та ис «нӕ эрӕйы дыккаг ӕнусы ромаг-византийаг ӕрмӕджыты”. Фыццаг уыди ныртӕккӕйы Абхазийы Гудауты районы зӕххыл, стӕй та Сочийӕ суанг Сомихы онг. XIX ӕнусы онг Абасги – Абхази (куыд паддзахад, кънйазад) регионы историйӕ никуы рахауд. Дзырд «Гуырдзыстон» та равзӕрд фӕстӕдӕр ирайнаг-туркаг ныхас «Гюрджистон»-ӕй («Бирӕгъты бӕстӕ»). XIX ӕнусы 20-ӕм азты Гуырдзыстон-Гюрджистон Скӕсӕн Фӕскавказы зӕххыл Картлийӕ (Тифлисы зылд) Карабахы онг ахста нарӕг зӕхх. Нӕмтты суйтӕ расайдта суйтӕ император Александр I-аджы титулаторы. Уым ӕй хонынц «Иверийы, Картлийы, Гуырдзыйы ӕмӕ Кӕсӕджы зӕххыты паддзах». Фыццаг «гуырдзиаг паддзахад» сӕвзӕрд ӕрмӕст 1918 азы, гермайнаг ӕрцыты руаджы, уӕрӕсейаг губернитӕ (Тифлисаг ӕмӕ Кутаисаг) куы баиу сты, уӕд. Фыццаг уый бындурыл лӕууыд Гуырдзыстоны Советон Социалистон Республикӕ, фӕстаг азты та гамсахурдиаг-шеварднадзейаг демографион Гуырдзыстон. Уымӕ гӕсгӕ, философ М. Мамардашвили кӕй фӕбӕрӕг кодта, уыцы дзырдтӕ «Абхази» ӕмӕ «Гуырдзыстон»-ы синонимикӕ ныффидар уыдаид ӕрмӕст XX ӕнусы 20-40-ӕм азты Гуырдзыстоны адӕмы зондахасты, зӕгъӕм, зындгонд иртасӕг Павел Ингороквайы хуызӕтты архайдӕй. Уый тыххӕй та Эбаноидзе ницы дзуры. Цалынмӕ Тбилисы синонимтӕ ӕвзӕрстой, уӕдмӕ Абхазийы фехстой сӕдӕгай ӕхсӕнадон ӕмӕ культурӕйы архайӕджы, грекъӕгты ӕмӕ сомихӕгты стын кодтой, абхазаг фыссынад, культурӕ ӕмӕ ахуырад сгуырдзиаг кодтой. Гуырдзыстонӕй ӕрбакодтой дӕсгай мин ӕрлидзӕджы. Уыцы хӕсты фӕстӕ «гуырдзиаг паддзахаддзинад» хӕлын райдыдта.

Нӕдӕр VIII-X ӕнусты картвелаг ӕвзӕгтӕ, нӕдӕр нырыккон гуырдзиаг ӕвзаг зонынц дзырд «Гуырдзыстон» кӕнӕ «гуырдзиӕгтӕ» – уыдоны бынаты сты «Картли», «СакартВело».

А. Эбаноидзе быцӕу кӕны В. Кожиновимӕ гуырдзиаг историк С. Джанашиайы цитатӕты алыварс, кӕцы архайдта Лавренти Берияйы дуджы ӕмӕ социалон фӕдзӕхсты фӕлгӕты тынг бирӕ сарӕзта Гуырдзыстон ӕмӕ Абхазийы ивгъуыд зыгъуыммӕ кӕныны хъуыддаджы. Эбаноидзе йӕ уацы ӕрхаста Джанашиайы куыстытӕй дыууӕ цитатӕйы. Фыццагмӕ гӕсгӕ, «абхазаг паддзӕхтӕ Гуырдзыстон баиу кӕныны фӕндагыл ӕрлӕууыдысты» VIII ӕнусы. Дыккаг цитатӕмӕ гӕсгӕ, «Гуырдзыстон баиу кӕныны райдайӕн хауы X ӕнусы 70-ӕм азтӕм, уыцы баиуы хъӕппӕрис абхазаг паддзӕхтӕй Тао-Кларджетийы паддзӕхтӕ (абоны Турчы зӕххы хай) куы байстой, уӕд. Алыхуызон нымӕцтӕ канд Джанашиайы куыстыты не сты. Иннӕты тыххӕй куы дзурӕм, уӕд иугонд «Гуырдзыстон»-ы тыххӕй хъуыды дӕр ничи кодта – абхазаг паддзӕхтӕ сӕхи паддзахад арӕзтой, Византи ӕмӕ Хазарийы интерестӕ кӕм ӕмбӕлдысты, уым. Дыккаг хабары (уый Эбаноидзе ӕмбӕхсы) – баиу кӕныны хъуыддаг цыд Византийы империйы интерестӕ хынцгӕйӕ, ӕмӕ уыдон цӕстдардӕй, уый бынаты ӕвӕрд та уыдысты Тао-Кларджетийы хицауиуӕггӕнджытӕ. Джанашиайы дыккаг хъуыдыимӕ не сразы академик Г. Меликишвили йӕ сӕрмагонд монографийы, фӕлӕ уый тыххӕй дӕр Эбаноидзе йӕхи ныхъхъус кодта. Ӕмӕ кӕд В. Кожиновыл истӕмӕй фӕдызӕрдыггӕнӕн ис, Джанашиайӕ цитатӕтӕ хӕсгӕйӕ, уӕд ӕрмӕст йӕ хӕларзӕрдӕ ахасты тыххӕй.

Дарддӕр Эбаноидзе, Багратидты паддзахады хӕдзары «гуырдзиаг» равзӕрды фарс хӕцгӕйӕ, зӕгъы, зӕгъгӕ, «Гуырдзыстоны ӕппӕт архайджытӕй иууыл гуырдзиагдӕр Давид Аразӕг рагон фыстытӕм гӕсгӕ у «стыр абхазаг паддзах», Гуырдзыстоны национ символ» сылгоймаг-паддзах Тамарӕ та, дам, канд «абхазаг паддзах» нӕ уыд, фӕлӕ «картты, ранты, кахты ӕмӕ сомехты (сомихӕгты), ширван-шахты ӕмӕ шахан-шахты. Гуырдзиаг Багратидты историйы «абхазаг фӕд» фесафыны тыххӕй, Эбаноидзе ӕнӕнхъӕлӕджы кӕсӕджы иуварс акӕны астӕуккаг ӕнусы таурӕгъмӕ. Уымӕ гӕсгӕ, Багратидтӕ, Багратионитӕ равзӕрдысты Библиаг Паддзах Давид-псалмопевецӕй, йӕ «уӕлӕмхасӕн информацимӕ» гӕсгӕ та, паддзахад Израил аразгӕйӕ, «гуырдзиаг Багратионӕн паддзахы бадӕн лӕвӕрд цыд Иерусалимы». Мӕнӕ куыд фӕзӕгъынц, цӕхӕрадоны фӕдӕгъд… Ӕмӕ цы нӕ бакӕндзынӕ уырыссаг литератор-патриотӕн смаст кӕныны тыххӕй.

Эбаноидзе йӕ уацы ӕндӕр ран дзуры «рагон гуырдзиаг закъонлӕггады» тыххӕй. Уымӕ гӕсгӕ, «Гуырдзыстон у, гуырдзиаг ӕвзагыл Хуыцаумӕ кӕм кувынц, ахӕм бӕстӕ». Ӕцӕгӕй та ам ныхас цӕуы дӕсӕм ӕнусы политиктӕй иуы хъуыдыйыл сӕрибар тӕлмацгондӕй. Йӕ оригиналы не сты уырыссаг терминтӕ «Гуырдзыстон» ӕмӕ «гуырдзиаг» – ӕндӕр нӕмттӕ дзы ис. Уымӕ гӕсгӕ, В. Кожиновы хъуыды раст ӕмӕ ахсджиаг у, афтӕ кӕм зӕгъы, паддзах Тамарӕ XII ӕнусы кӕрон, йӕ фыртӕн дыккаг, мурттаг ном ӕвзаргӕйӕ, «апсайраг» (абхазаг) Лашайыл кӕй ӕрлӕууыд, уый.

Цӕмӕй йӕ тӕссонд уавӕр фӕфидардӕр уа, уый тыххӕй Эбаноидзе ацы ран цӕуы фӕливыны фӕндагыл, ӕмӕ йӕ кӕсӕгӕн зӕгъы, зӕгъгӕ, «Леон II-аджы рӕстӕгӕй, кӕцы Хуыцаумӕ грекъаг ӕвзагыл кувын аивта, ӕмӕ Абхазийы алы ран дӕр Хуыцаумӕ куывтой ӕмӕ Евангели кастысты гуырдзиагау». Фӕлӕ уый тыххӕй ацы уацӕй уӕлдай ӕндӕр ӕрмӕг нӕй, цы цӕвиттонтӕ ис, уыдонмӕ гӕсгӕ та – гуырдзиаг ӕвзагӕй грекъаг ӕвзаджы ӕмрӕнхъ Абхазийы аргъуанты пайда кӕнын райдыдтой дӕсӕм ӕнусы кӕрон ӕмӕ ахаста суангXVI-XVIII ӕнустӕм.

Уырыссаг ӕрмӕджытӕм гӕсгӕ, обезты тыххӕй куы дзурӕм, уӕд уый тыххӕй ис парахат литературӕ. Дзырд «обез» абхазтӕм бар кӕй дары, уый ныхмӕ ничи ницы дзуры, фӕлӕ ма уыцы номӕй хуыдтой абазинӕгты, картвелты…

Эбаноидзе бынтондӕр ныссуйтӕ ис, ӕцӕгӕлон ын чи у, Гуырдзыстон ӕмӕ Абхазийы астӕуӕнусон историйы фарстыты, ӕмӕ йӕ уацы кӕрон рахызт «ӕнаргъӕвгӕ фарстытӕм». Уыдон, йӕ хъуыдымӕ гӕсгӕ, сты «ирӕтты ӕмӕ абхазӕгты ӕнӕфӕугӕ хъӕстытӕ, Гуырдзыстоны тӕккӕ ӕфхӕрддӕр адӕм кӕй сты, уый тыххӕй”. Нӕ авторы хъуыдымӕ гӕсгӕ, ирӕттӕ ӕмӕ абхазӕгтӕн Гуырдзыстоны ис уӕлдай бартӕ ӕмӕ сӕ хъӕстытӕн бындур нӕй.

Фӕлӕ 1918 азӕй 1995 азы онг ирӕттӕ ӕмӕ абхазӕгтӕй цагъд ӕрцыд бирӕ дӕсгай мин адӕймӕгтӕ, сӕ культурӕйы бирӕ цыртдзӕвӕнтӕ пырхгонд ӕрцыдысты, стигъыны цаутӕ, тыхмитӕ, лигъдон адӕм… Уӕд уыдон «уӕлбартӕ» сты?

В. Кожиновы ӕмӕ Уӕрӕсейы ӕндӕр «деструктивон тыхты» ныхмӕ А. Эбаноидзе хъары ӕвзонг ахуыргонд Д. Трофимовы тезистӕ. Уый та Абхазийы хӕсты бындуры, Шеварднадзейы хуызӕттӕ Советон Цӕдис кӕй ныппырх кодтой, уый нӕ уыны, фӕлӕ цӕдисон, стӕй та уӕрӕсейаг хицауады фӕлварӕнтӕ, фыццаджыдӕр, парламентон ӕмӕ хӕстон структурӕты, Трофимовы сӕйраг хатдзӕг Тбилисӕй рацыд ӕмӕ уымӕ гӕсгӕ Эбаноидзейы зӕрдӕмӕ цӕуы: Уӕрӕсейы национ интерестӕ, уымӕ гӕсгӕ, бирӕ кӕмдӕрты ӕмхуызон сты «Гуырдзыстоны ӕнӕхъӕндзинады национ интерестимӕ». Уый ма дын ноджы иу гротеск. Уый ууыл дзурӕг у, ӕмӕ Уӕрӕсейы национ интерестӕ Фӕскавказ дзы атонын, уым Уӕрӕсейы фарс республикӕты ныффалгӕрон кӕнын (Абхази, Хуссар Ирыстон, Карабах…), Шеварднадзейы архайды фарс рахӕцын Сомихы ӕрхъулайы тыххӕй, абхазӕгты, ирӕтты, уырыссӕгты ӕмӕ иннӕ адӕмыхӕттыты Фӕскавказы куынӕг кӕнын, ирон-мӕхъӕлон быцӕу, Цӕцӕны хӕст расайын кӕнын…

«Цавӕр ӕвзагыл дзырдта паддзах Тамарӕ». Ацы фарстӕн Эбаноидзе бӕлвырд дзуапп нӕ радта. Фыццаджыдӕр уымӕн, ӕмӕ уацы куыд дзырдӕуы, афтӕмӕй Тамарӕйы фыдӕл Давид Аразӕджы хъауджыдӕр, кӕцы зыдта цалдӕр ӕвзаджы, Тамарӕ цавӕр ӕвзӕгтыл дзырдта, уый тыххӕй ницы бӕрӕггӕнӕнтӕ ис. Дыккаджы, уый тыххӕй Эбаноидзе ницы дзуры, йӕ фыдымад, йӕ мад ӕмӕ йӕ дыккаг лӕг (фыццаг уыд уырыссаг кънйазы фырт Юрий Боголюбский) уыдысты ирӕттӕ. Уыдоны ӕвзаг Тамарӕ ма хъуыстаид, уый гӕнӕн нӕй. Давид Аразӕгӕн та йӕ федеративон бирӕнацион паддзахад саразыны хъуыддаджы сӕйраг ӕххуыс гуырдзиӕгтӕ нӕ фесты, фӕлӕ тюркӕгтӕ-кипчактӕ, уыдоны ‘хсӕнӕй та рацыд паддзахы дыккаг ус, ӕмӕ хӕстон разамонджыты ӕмӕ хӕстонты фылдӕр хай. Ӕнӕуи та «гуырдзиаг» паддзӕхты (ӕмӕ канд «гуырдзиаг» нӕ) ӕппӕт истори дӕр у алывзагон лӕгты, устыты ӕмӕ сывӕллӕтты истори. Уыдон та рацыдысты абхазӕгтӕй, грекъӕгтӕй, сомихӕгтӕй, ирӕттӕй, персайнӕгтӕй, тюркӕгтӕй, славянтӕй… Бирӕхуызджын истори та ӕдзӕсгомӕй Эбаноидзейы хуызӕттӕ куы рацахорынц уыцы иу хуызӕн, ацы ран «гуырдзиаг» хуыз, уӕд дзы ӕнамонд адӕмтӕн туг ӕмӕ цӕссыгтӕй, фӕлывддзинад ӕмӕ худинагӕй дарддӕр ницы баззайы.

А. Эбаноидзе йӕ уацы кӕрон скодта уарзондзинады кой. Мах дӕр уарзондзинад хъӕуы, фӕлӕ мононационалон, гермафродитон, хуыскъ уарзондзинад нӕ, фӕлӕ, адӕмыхаттмӕ нӕ кӕсгӕйӕ, адӕмӕн амондхӕссӕг чи у, адӕмы мыггаг сыскъуыныныл нӕ, фӕлӕ адарддӕр кӕнынӕн ахъаз чи у, ахӕм уарзондзинад.

Юрий Воронов,

Профессор «Литературная Россия», 18.08.1995, №32-33