Республикæ Хуссар Ирыстоны Паддзахадон статистикон службæмæ хауы республикæйы царды æрцæугæ экономикон æмæ социалон процесстæ æмæ фæзындтæ чи æвдисы. Æмбырд кæны уагдæттæ, организацитæ, министрадтæ æмæ ведомствотæй зонæнтæ. Афтæ республикæйы цæрджыты царды æмвæзад, куыстæйифтонгад æмæ миграцион процессты фæстиуджытæ. Уымæй дарддæр ма æмбырд кæны æмæ йæ хус дары экономикæйы хицæн фадгуытæм – сæудæжерады, хъæууон хæдзарад æмæ транспортмæ.
Æрæджы 2018 азæн бакæнгæ куысты фæдыл хыгъд аразыны рæстæджы Республикæ Хуссар Ирыстоны Паддзахадон статистикон управленийы къухдариуæггæнæг Тыбылты Инал радзырдта сæ хæстыл æмæ Республикæйы социалон – экономикон уавæр æвдисæг, официалон статистикон информаци æмбырд кæнын фæхуыздæр кæнынмæ здæхт мадзæлттыл.
Йæ ныхæстæм гæсгæ Статистикон управленийы кусджытæ аивгъуыйгæ аз бакуыстой бæстæйы социалон, экономикон, демографион æмæ æндæр æхсæнадон процессты фæдыл информацион ресурстæ саразыныл статистикон зонæнтæ, æмбырд кæнын æмæ бакусыныл. Цæттæ æмæ мыхуыр æрцыдысты 2017 азæн æмæ 2018 азы æртæ кварталæн социалон-экономикон зонæнты статистикон æмбырдгондтæ, кæцытæ дзуапп дæттынц статистикон методологийы нырыккон стандарттæн.
2018 хыгъдон азы уагдоны кусджытæ бацæттæ кодтой бирæнымæц хъуыддагон фыстæджытæ алы инстанцитæм, уыцы нымæцы æххæсткæнынадон органты бахатыдмæ гæсгæ дæр.
Тыбылты Инал ма æрдзырдта, аивгъуыйгæ аз цы уагдæттæ æмæ организацитæ регистраци æрцыд, уыдон тыххæй дæр. 2018-2020 азтæн Статистикон фадыджы Уæрæсейы Федерациимæ иумиаг мадзæлттæ уадзыны планмæ гæсгæ УФ-йы Паддзахадон статистикæйы федералон службæ æмæ Хуссар Ирыстоны Статистикон управлени ивгъуыд аз æдзух уагътой консультацитæ, официалон статистикон хыгъды фадыджы нормативон акттæ, статистикон хъусдард организаци кæнын æмæ статистикон архайд план ба-цæттæ кæныны фарстаты фæдыл.
Уымæй дарддæр ма Хуссар Ирыстон æмæ Уæрæсейы Федерацийы æнгæс уагдæтты æхсæн сразыдзинадмæ гæсгæ бабæрæг кодтой Росстат, цыран дзырд цыд дарддæры æмгуыстады плæнттыл.
Æнгом æмгуыстад цæуы Цæгат Ирыстоны Статистикон службæйы къухдариуæгадимæ социалон-демографион бæрæггæнæнтæ æмæ æндæр фарстатæ организаци кæныны фæдыл.
РХИ-йы Хицауады закъондæттынадон архайды планы фæлгæтты ивгъуыд аз управленийы кусджытæ бакуыстой «Хъæууон-хæдзарадон сфысты» закъоны проектыл, кæцы бæстæйы Парламент райста уыцы аз 7 июлы.
Организаци æрцыдысты Республикæйы административон районтæм кусæгон балцытæ, цæмæй районты статисттæн æрцæуа практикон æмæ методологион æххуыс.
Паддзахадон статистикон управленийы кусджытæ ма бакуыстой æмæ сфидар кодтой управленийы хыгъдон политикæ.
Тыбылты Иналы ныхæстæм гæсгæ ныртæккæ та статистикон управленийы кусджытæ æмбырд æмæ анализ кæнынц Хуссар Ирыстоны статистикон бæрæггæнæнтæ ивгъуыд азæн.
Къæбулты Маринæ
Comments are closed, but trackbacks and pingbacks are open.