УÆГЪДИБАР ХЪÆБЫСХÆСТ

Ирон хъæбысхæсты скъолайы хъомылгæнинаг Джиоты Жорик ссис 18 азы онг кæуыл цæуы, уыцы боглаты хсæн дунейы чемпионаты æвзист призер. Ерыстæ уагъд цыдысты Венгрийы столицæ Будапешты. Жорик дыккаг бынат бацахста 92 кг уæзы категорийы архайгæйæ. Уый финалмæ цæугæйæ рамбылдта Инди, Сомихстон, Казахстан æмæ АИШ-ы минæвæртты. Финалы йæ ныхмæлууæг уыд туркаг богал. Фембæлд фæцис 3:3 хыгъдæй туркаг хъæбысæйхæцæджы пайдайæн, уый фæстаг балл кæй систа, уымæ гæсгæ.

 

ФУТБОЛ

Дзæуджыхъæуы футболон командæ «Алани»-йы фарм-клуб «Алани-2» хъазын райдайдзæн дыккаг дивизионы. Командæйы сæйраг тренер уыдзæн Валерий Горохов. Тренерты штабы ма кусдзысты Цорæты Давид, Зураты Эльбрус, Олег Корниенко, Мæргъиты Дмитри æмæ Уалыты Аслан. Цæгат Ирытсоны территорийыл æртыккаг категорийæн дзуапп чи дæтта ахæм стадион кæй нæй, уымæ гæсгæ «Алани-2» йæ хæдзарон хъæзтытæ рæстæгмæ кæндзæн горæт Ессентукийы. Командæ йæ фыццаг хъазт акæндзæн абон, 24 июлы Таганрогы командæ «Форте»-имæ.

 

НОГ ДЕВИЗ

Дунеон Олимпион комитет райста Олимпион хъæзтыты ног девиз. Лозунгмæ бафтыд æрцыд ныхас иумæ. Ныр ног девиз у ахæм: «Тагъддæр, уæлдæр, тыхджындæр – иумæ». Раздæры девиз фидаргонд æрцыд 1894 азы фыццаг Олимпиаг конгрессы уынаффæмæ гæсгæ.

 ХУРИТЫ Батрадз

 

Ацы æрмæджытæ дæр бакæс:

Default Thumbnail2020 азы спортивон æнтыстытæ Default Thumbnail2019 азы спортивон цаутыл афæлгæст Спорт Default ThumbnailСпорт 2016 азы сæйрагдæр спортивон цаутыл афæлгæст

Comments are closed, but trackbacks and pingbacks are open.