Æнгом, демократон æмæ фидарæй размæцæуæг æхсæнады арæзты социалон ахсджиаг бизнесы егъау нысаниуæджы банымад азæй-азмæ ахсы уæлдай фидардæр позицитæ дзыллæты æмбарынады.

Цы нысан кæны социалон ахсджиаг бизнес æмæ Хуссар Ирыстоны æнæмæнгхъæуæг цы у йæ райрæзтæн?

Фыццаг – бизнесы ахсджиагдæр хæс у хъалонтæ æххæст гуырахстæй фидын.

Дыккаг – социалон-ахсджиаг бизнес хъуамæ фида экономикон æгъдауæй бындурджын куыстмызд, уымæн æмæ аккаг куыстмызд адæймагæн фадат дæтты йе ‘нæниздзинады, ахуырады æмæ культурон рæзты тыххæй æхца хардз кæнынæн.

Æртыккаг – социалон ахсджиаг бизнес барвæндон бындурыл архайы хæрзаудæн архайдæй.

Цыппæрæм – бизнес æмбар бындурыл архайы социалон-экономикон программæтæ бакусын æмæ реализаци кæныныл.

Нæ республикæйы социалон-экономикон рæзтмæ бизнес активонæй æрбакæныны тыххæй æнæмæнгхъæуæг сты:

1) масштабон программæтæ, кæцытæ райстæуыд паддзахадон æмвæзадыл, фæлæ бакуыст æрцыдысты бизнес-æмæхсæнад æмæ æмбæстагон æхсæнады хайадистæй, бæрæг кæнынц Республикæ Хуссар Ирыстоны рæзты национ приоритеттæ;

2) социалон ахсджиаг бизнес стимул кæныны фæдыл паддзахад æмæ æмбæстагон æхсæнады институтты ‘рдыгæй мадзæлтты комплекс бакусын æмæ реализаци кæнын. Республикæ Хуссар Ирыстоны Парламенты Экономикæ, чысыл амалиуæгад æмæ хъæууон хæдзарады фæдыл комитет бакуыста «Республикæ Хуссар Ирыстоны чысыл амалиуæгады субъекттæн льготон кредиттæ дæттыны тыххæй» Закъоны проект. Бæрæг куыд у, афтæмæй чысыл амалиуæгад у базарадон экономикæйы уавæрты адæмон хæдзарады ахсджиаг сегмент. Чысыл амалиуæгады рауæрæх кæнын ахъаз кæны бæстæйы паддзахадон бюджеты æфтиæгты рæзтæн æмæ сæ бахъахъхъæнынæн. Ацы здæхты уæлдай стырдæр нысаниуæг ис ахæм æнæкоммерцион организацитæн, куыд Республикæ Хуссар Ирыстоны Амалиуæггæнджыты цæдис æмæ Республикæ Хуссар Ирыстоны базарадон-сæудæджерадон палатæйæн;

3) Хуссар Ирыстоны æмбæстагон æхсæнады институтты модернизаци, кæцыйæн ис æнæкоммерцион организациты функци кæныны стандарттæ фæбæрзонддæр кæныны, цæрджытæн социалон лæггæдтæ бакæныны, финансон-хæдзарадон архайды æргомдзинад сифтонг кæныны нысаниуæг, афтæ ма Республикæ Хуссар Ирыстоны æхсæнадон интеграци ассоциаци æмæ цæдисты фæлгæтты, кæцытæ ахъаз кæнынц цардуагон архайды бæрæг фадгуыты рæзты тыххæй иумæйаг домæнтæ бакусынæн.

Æппæт уыдæттæн нæй гæнæн реализаци кæнын паддзахады, æхсæнады æмæ бизнесы æнæ æнгом архайдæй, æмæ уый та нысан кæны, æнæмæнгхъæуæг кæй у ахæм æмархайды институционализацийы ирд механизмтæ бакусын.

РХИ-йы Парламенты

Экономикæ, чысыл амалиуæгад æмæ

 хъæууон хæдзарады комитеты сæрдар  ДЖИОТЫ Инал

Comments are closed, but trackbacks and pingbacks are open.