Уæрæсейы Федерацийы Æдасдзинады совет куыд банысан кодта, уымæ гæсгæ гæнæн ис бакуыст æрцæуа ног фæлтæры биологон хæ-цæнгарз, уыимæ Иугонд Штаттæ сарæзтой 200 æфсæддон биологон лабораторийы æппæт дунейы, уыцы нымæцы Украинæ æмæ Хæдбар Паддзахадты Æмхæларады бæстæты дæр, – фехъусын кодта Уæрæсейы Æдасдзинады советы нымæрдар Николай Патрушев.
«Уæлдай катайдзинад æвзæрын кæны биотехнологиты рæзт, кæцыты гæнæн ис ахæссын дывæр нысаниуæджы иртасæнтæм. Гæнæн ис æмæ къорд бæстæтæ бакусой ног фæлтæры биологон хæцæнгарз», – загъта Патрушев «Российская газета»-йæн йæ интервьюйы.
Йæ ныхæстæм гæсгæ, ныртæккæ Иугонд Штаттæ эксплуатацимæ радтой 200 биологон лабораторийы æппæт дунейы, уыцы нымæцы Хæдбар Паддзахадты Æмхæларады, Украинæ, Гуырдзыстон æмæ Афганистаны.
«Сæ архайд баст нæу дунеон зонадимæ. Уæлдай тынгдæр нæм катайдзинад æвзæрын кæны, лабораториты адæймæгтыл эксперименттæ кæй уадзынц, уый. Уый фæдыл стырдæр актуалондзинад ис глобалон эпидемиологон цæстдард æмæ биологон æдасдзинады фадыджы зонадон иртасæнтæ фæтыхджындæр кæнынæн», – йæ ныхасмæ бафтыдта Æдасдзинады советы нымæрдар.
Уæрæсейаг фарс иу æмæ дыууæ хатты нæ равдыста йæ катайдзинад Уæрæсейаг арæнтæм æввахс йæ медицинон-биологон лабораторитæ равæрыны фæдыл Пентагоны архайды тыххæй. 2015 азы Фæсарæйнаг хъуыддæгты министрады бацамыдтой, зæгъгæ, Тбилисмæ æввахс, афтæхуыйнæг «Ричард Лугары номыл æхсæнадон æнæниздзинады иртасæн центр»-ы æрбынат кодта АИШ-ы фистæг æфсæдты медицинон иртасæн дæлхай.
Гуырдзиаг фарс куыд ба-нысан кодта, уымæ гæсгæ Уæрæсейы катайдзинад у æнæхъуаджы æмæ фехъусын кодта, зæгъгæ, лаборатори архайы æрмæстдæр зонадон иртасæнтыл. УФ-йы фæсарæйнаг хъуыддæгты министрады фехъусын код-той, зæгъгæ, Мæскуы ракурдзæн АИШ-æй, цæмæй сын официалонæй бамбарын кæной Гуырдзыстоны лабораторийы архайды тыххæй, цыран гæнæн уыд æмæ уагътой адæмыл, мæлæты цаутæм сæ чи кодта, ахæм эксперименттæ.
Comments are closed, but trackbacks and pingbacks are open.