Нӕ республикӕйы Ветеранты совет йӕ уавӕртӕ ӕмӕ фадӕттӕм гӕсгӕ архайы, цæмæй ветеранты цард хуыздæр æмæ мидисджындæр кæна. Ӕрӕджы та нӕ ветерантӕ банкъардтой иу аудындзинад, ӕрцыд сыл ӕхсызгон цау. Зындгонд куыд у, афтӕмӕй сын уыд, сӕхи кӕм аирхӕфстаиккой, сӕ рӕстӕг кæм æрвыстаиккой, ахӕм бынат нӕ горӕты центры, фӕлӕ бӕрӕг аххосӕгтӕм гӕсгӕ уый нал уӕвынад кӕны. Ветеранты совет бахатыд нӕ Хицауады Сӕрдар Пухаты Эрикмӕ, цӕмӕй ветерантæн ногæй ахæм бынат рахицæн кæной. Уавӕр бахынцыдӕуыд ӕмӕ сын ӕрӕджы 13 Коммунарты уынджы  бӕстыхайы  хатӕнтӕй иу рахицӕн кодтой, у дзы райдзаст ӕмӕ хъарм. Уым сӕ рӕстӕг ӕрвитынц хъӕлдзӕгӕй, фӕхъазынц шашкитӕй, шахматтӕй. Сӕ фӕнд у, цӕмӕй бӕрӕгбонты ам уадзой спортивон ерыстӕ дӕр.

Хуыбиаты Никъала

Comments are closed, but trackbacks and pingbacks are open.