Ацы аз Хуссар Ирыстонæй Уæрæсейы Федерацийы Мидхъуыддæгты министрады уæлдæр ахуыргæнæндæттæм арвитдзысты 28 курсанты. Ныридæгæн уыдоны цæттæ кæнынц нæ республикæйы мидхъуыддæгты министрады центры базæйы. Ӕртæ къуырийы дæргъы уыдон хъуамæ курсытæ рацæуой этикæйæ, психологийæ, физикон æмæ рæнхъон цæттæдзинадæй æмæ ма барадон зонындзинæдтæй.
Ахуыргæнджытæ курсанттæн амонынц табелон æхсæнгарзæй архайын, хистæр цины æмкусæгæн æмбæлон салам куыд хъæуы раттын, рæнхъон цыды сусæгдзинæдтæ æмæ афтæ дарддæр. Ахуыртæ цæудзысты куыд теорийæ, афтæ ма практикон æгъдауæй дæр. Уымæй уæлдай ма сæ кæндзысты горæты централон стадионы фæзуатмæ, цæмæй физикон цæттæдзинады ахуыртæ рацæуой уым. Ӕппæт ацы зонындзинæдтæ сын фæахъаз уыдзысты сæ дарддæры хæстон-службæйон цæттæдзинадæн уæлдæр ахуыргæнæндоны уæвгæйæ.
Джиоты Алыксандр
Comments are closed, but trackbacks and pingbacks are open.