Республикæйы райдыдта, ивгъуыд аз Уæрæсейы Президент Владимир Путин цы ныстуантæ радта, уыдоны æххæст кæныны иу хай. Уæд Уæрæсейы оргкомитет «Победа»-йы раз сæвæрдта Фыдыбæстæйы Стыр хæсты Уæлахизы 80 азмæ йæ архайджыты ном ноджыдæр сæнусон кæныны хæс. Уый та нысан кæны, цæмæй алы регионы дæр, хæсты чи архайдта, уыдоны хиуæттæ сæ хæстонты тыххæй бæлвырд æрмæг æрæмбырд кæной, цæмæй электрон чингуытæй сæрмагонд сайтты рацæуой. Уый стыр ахъаз у, Фыдыбæстæйы Стыр хæсты истори арф æмæ биноныгдæр базонынæн.
Бæстæйы разамонæг куыд банысан кодта, афтæмæй уый уыдзæн Стыр Уæлахизы бæрæгбонмæ ахъаззаг бавæрæн, уыимæ рабæрæг уыдзысты, нырмæ рохуаты чи баззад, хæсты уыцы архайджыты бирæ нæмттæ.
Ныртæккæ оргкомитет цæрджытимæ иумæ рай-дыта æрмæг æмбырд кæныны куыст. Архивтæй уæл-дай хæдзæртты æфснайдæй чи баззад, хæстонты уы-цы документтæ, писмотæ, газетты æрмæджытæ, хæрзиуджытæм бавдисæг æвдисæндартæ… Уыдон иууылдæр хаст æрцæудзысты сæрмагонд сайтмæ.
Электрон чингуытæн ма сæ хорздзинад уый мидæг ис æмæ ныртæккæ, техникæйы дуджы, адæм фыл-дæр кæсынц интернеты æрмæджытæ. Афтæмæй хуыздæр базонгæ уыдзысты, Фыдыбæстæ чи хъахъхъæдта, уыдоны цардвæндаг æмæ хæстон сгуыхтыты тыххæй.
Уый ма тынгдæр у, нæ цытджын бæстæ знагæй чи бахъахъхъæдта, уыцы Уæлахиздзау фæлтæрæн кад æмæ æгъдау кæныны мадзал дæр. Хъуамæ рох макæмæй уа, цавæр аргъæй бафтыд Уæлахиз нæ къухы æппæты тугкалæндæр хæсты, уый.
Электрон чингуытæ уадзыны куыст хъуамæ фæуа 2025 азы Уæлæхизы бæрæгбонмæ.
Æппæтдæр — фронтæн
Куыд зонæм, афтæмæй Украинæйы хæстон операцийы архайыны Ирыстоны лæппутæ сты раззагдæрты æмрæнхъ. Æрмæст республикæйы Сæргълæууæг Сергей Меняйло мобилизацигонд хæстонтæ æмæ бархионтæй цы дыууæ батальоны скодта, «Алания» æмæ «Осетия», уыдоны сгуыхтытæн кæрон нæй. Тынг бирæ ирыстойнаг лæппутæ хорзæхджын æрцыдысты хъæбатырдзинады алыхуызон хæрзиуджытæй. Уæдæ знаджы ныхмæ тохы йæ цард чи радта, уыдон дæр бирæ сты. Ныридæгæн, официалон бæрæггæнæнтæм гæсгæ, Ирыстонæй Украинæйы националистты ныхмæ тохы сæ цард радтой 150 адæймаджы бæрц. Æбæрæгæй чи фесæфт, уыдонæй бирæты тыххæй ницы зонæнтæ ис нырма.
Æрæджы та Сергей Меняйлойы хъæппæрисæй фронты раззаг хаххыл æвæрд æрцыд координацион-гуманитарон центр. Уырдæм æппынæдзух Ирыстонæй цæуы æххуыс. Патриотон æнкъарæнтæ кæмæ ис, уыцы цæрджытæ æрвитынц хæлцадон продукттæ, æлхæнынц, хуыйынц, бийынц алыхуызон дзаумæттæ, уыимæ, писмотæ ахуырадон уагдæттæй. Фронтæн æххуысы тыххæй республикæйы арæзт цæуы алыхуызон акцитæ.
Центрæн йæ хорздзинад уый мидæг ис, æмæ æвæрд кæй у раззаг позицитыл. Уым та сты нæ батальонтæ. Уырдыгæй тагъд æмæ æнæкъуылымпыйæ нæ хæстонтæм хæццæ кæны гуманитарон æххуыс. Уыцы комкоммæ бастдзинады тыххæй дзуапп дæтты «Осетия» æмæ «Алания»-йы æфсæддон уацхæссæг Мамсыраты Георги. Уый куыд зæгъы, афтæмæй гуманитарон æххуыс фронты раззаг позицитыл сæмбæлын кæнынц, сæрмагондæй уыцы куыст чи кæны, уыцы æфсæддонтæ. Уымæн æмæ уыдон хуыздæр æмбарынц хæстонты домæнтæ. Уый фæллад хæстонтæн у стыр удæнцой.
Республикæйы Сæргълæууæг Сергей Меняйло арæх абæрæг кæны фронты нæ батальонты уавæр, стæй гуманитарон центры куыст.
Уымæй дарддæр, Цæгат Ирыстоны разамынд ахадгæ æххуысы мадзæлттæ аразы, æрæджы рес-публикæмæ Херсоны облæстæй чи ралыгъд, уыдонæн. Бынæттон бюджетæй тыхст адæмæн лæвæрд цæуы фæйнæ 100 мин сомы. Уыимæ ма социалон æххуыс исдзысты фатертæ æххуырсынæн æмæ медицинон лæггæдтæ исынæн.
Нæ уацх.
