8 июлы республикон политикон парти «Иууон Ирыстон» æмæ парти «Иууон Абхаз»-ы ‘хсæн æмкуысткæнынады тыххæй Сухумы къухтæ æрфыстæуыд сразыдзинадыл. Æхсæнпартион æмгуысткæнынады тыххæй документы бын сæ къухтæ æрфыстой республикон политикон парти «Иууон Ирыстон»-ы сæрдар Бибылты Анатоли æмæ политикон парти «Иууон Абхаз»-ы сæрдар Сергей Шамба.

Кусæгон фембæлды рæстæджы дыууæ фарсы дæр банысан кодтой, къухтæ кæуыл æрфыстæуыд, уыцы сразыдзинады ахсджиагдзинад æмæ æруынаффæ кодтой æхсæнпартион æмкуысткæнынады дарддæры плæнттыл. Бадзырдтой конкретон дыууæфарсон мадзæлттæ ауадзыны тыххæй, кæцытæ здæхт уыдзысты æхсæнпартион бастдзинæдтæ фидардæр кæнынмæ æмæ партион арæзтады къабазы кæрæдзийы фæлтæрддзинадимæ зонгæ кæнынимæ. Дыууæ фарсы дæр ма банысан кодтой, ацы сразыдзинад кæй сфидардæр кæндзæн, дыууæ адæмы ‘хсæн историон æгъдауæй чи æрфидар сты, уыцы хæларадон ахастытæ.

Дыууæ партийы лидертæ банысан кодтой, зæгъгæ, «Иууон Ирыстон» æмæ «Иууон Абхаз» архайынц æнгæс æргъæдтæ æмæ идеалтæ хъахъхъæныныл, адæмæн лæггад кæныны хъуыддаджы æмæ хуымæтæджы æмбæстæгты интерестæ хъахъхъæныныл, хуссарирыстойнаг æмæ абхазаг адæмты консолидацимæ тырнгæйæ.

Бибылты Анатолийæн парти «Иууон Абхазæн» йæ цæст бауарзта политикон архайды æнтыстытæ.

Йæ рады Сергей Шамба хъусдард аздæхта, цы документыл æрфыстой къухтæ, уый ахсджиагдзинадмæ æмæ бахахх кодта, сразыдзинæдты нысан кæй ис ирон коллегæтимæ куыд политикæйы, афтæ æндæр здæхтыты дæр контакттæ рауæрæхдæр кæнын.

Республикæ Хуссар Ирыстоны Парламенты информацион-аналитикон службæ

Comments are closed, but trackbacks and pingbacks are open.