РХИ-йы Парламенты

3-æм марты уыд Республикæ Хуссар Ирыстоны Парламенты Президиумы рабадт. Уагъта йæ  РХИ-йы Парламенты Сæрдар Бибылты Анатоли.

Закъондзинад, закъондæттынад æмæ бынæттон хæдразамынды фæдыл парламентон комитеты сæрдар Коцты Олеся æркæсынмæ рахаста «Республикæ Хуссар Ирыстоны Президенты æвзæрстыты тыххæй» Конституцион закъоны 1-æм статьяйы уагæвæрдты фарст. Банысанчындæуыд, зæгъгæ, РХИ-йы Парламентмæ Централон æв-зарæн къамисæй æрбацыд куырдиат, уæлдæрбацамынд Конституцион закъоны 1-æм статьяйы лæмбынæгдæр бамбарын кæныны фæндонимæ. «Ацы фарсты фæдыл уагъд æрцыд профилон комитеты рабадт, цыран депутаттæ æмхъæлæсæй райстой уынаффæ, зæгъгæ, æппæт æрæвæргæ фарстытæ дæр сты архайгæ закъондæттынады фæзуаты æмæ йæ æмбарын кæнын нал хъæуы, уымæн æмæ æмбарын кæнын хъæуы уыцы нормæты, кæцытæ æвзæрын кæнынц дызæрдыгдзинад кæнæ дывæр æмбарынад. Уымæ нæ кæсгæйæ, Президиум фæндон хæссы, цæмæй бацамынд нормæты фæдыл ма æмбарын кæна, фæлæ уыцы нормативон акттæн комкоммæ дæнцæгтæ радта, цыран дзырдæ-уы ЦÆК-ы цымыдисгæнæг фарстыты тыххæй», – загъта Коцты Олеся.

РХИ-йы Централон æвзарæн къамисы куырдиатмæ æркæсгæйæ, Республикæ Хуссар Ирыстоны Парламенты Президиум уынаффæ кæны:

1. «Республикæ Хуссар Ирыстоны Президенты æвзæрстыты тыххæй» Республикæ Хуссар Ирыстоны Конституцион закъоны уагæвæрдтæ æмæ куысты закъондæттынады нормæтæ бамбарын кæнын, номхуындæй:

Кусгæ бонтыл нымад цæуынц уыцы бонтæ, кæцытæ не сты бæрæгбонтæ кæнæ улæфтбонтæ.

«Республикæ Хуссар Ирыстоны бæрæгбонты æмæ зæрдылдарæн бонты къæлиндар сфидар кæныны тыххæй» Республикæ Хуссар Ирыстоны Президенты Барамынды фидар æрцыд уыцы бонты номхыгъд, кæцытæ не сты кусгæ бонтæ.

Куысты закъондæттынад, кæцы архайы Республикæ Хуссар Ирыстоны территорийыл сфидар кодта, зæгъгæ, иумæйаг улæфт бон у хуыцаубон. Фондзбонон кусгæ къуырийы кусджытæн лæвæрд цæуы дыууæ улæфт боны, æхсæзбонон кусгæ къуырийы та – иу улæфт бон. Фондзбонон кусгæ къуырийы дыууæ улæфæт боны дæр лæвæрд цæуынц куыд фæтк, афтæ фæдфæдыл.

Республикæ Хуссар Ирыстоны фидар æрцыд фондзбонон кусгæ къуыри, æмæ дыккаг иумæйаг улæфт боны хуызы пайда цæуы сабатæй, уымæн æвдисæн сты улæфтбонтæ ахæссыны тыххæй Республикæ Хуссар Ирыстоны Хицауады уынаффæтæ. Куыстдæтджытæн, кæцытæн улæфт бонты куыст æруромыны гæнæн нæй кондадон-техникон æмæ организацион уавæртæм гæсгæ, улæфт бонтæ кусджыты алы къордæн дæр лæвæрд цæуынц радгай къуырийы алы æмæ алы бонты, мидæггагон куысты фæткы уагæвæрдтæм гæсгæ.

Афтæмæй, уыцы периоды, кæцыйы рæстæджы адæймаг ацыд Рес-публикæ Хуссар Ирыстоны æддæмæ, хъæуы æнæкусгæ бонтæ рацух кæнын, кæцытæ фидар æрцыдысты Республикæ Хуссар Ирыстоны Президенты Барамындæй, афтæ сабат æмæ хуыцаубонтæ дæр, кæд æмæ нормативон акты æндæр ницы нысан ис.

«Республикæ Хуссар Ирыстоны Прези-денты æвзæрстыты тыххæй» (дарддæр  Конституцион закъон) Республикæ Хуссар Ирыстоны Конституцион закъоны 1-æм статьяйы 2-аг пункты дыккаг абзацы комкоммæ хынцыд у, зæгъгæ, 93 кусгæ боны нымад цæуынц æмткæй (суммарно) иу азы дæргъы. Хъæуы бахынцын уый дæр, æмæ уыдон нымад кæй цæуынц «календарон азы» дæргъы нæ, куырдиаты куыд амынд цæуы афтæ, фæлæ иу азы дæргъы, Конституцион закъонмæ гæсгæ, кæцытæ нымад цæуынц регистрацийы уый размæйы бонæй, уымæн æмæ Конс-титуцион закъоны 1-æм статьяйы 2-æм пункты фыццаг абзацы амынд цæуы, зæгъгæ, æмбæстаг Республикæ Хуссар Ирыстоны территорийыл хъуамæ цæра фæстаг 10 азы, уый размæйы регист-рацийы бонæй.

Республикæ Хуссар Ирыстоны Конституцийы (Сæйраг Закъон) 7-æм статьямæ гæсгæ республикæйы паддзахадон хицауиуæгад æххæст кæны Республикæ Хуссар Ирыстоны Президент, Республикæ Хуссар Ирыстоны Парламент, Республикæ Хуссар Ирыстоны Хицауад, Республикæ Хуссар Ирыстоны тæрхондæттæ æмæ паддзахадон хицауиуæгады бынæттон органтæ.

Нормæ, кæцы бæрæг кæны Республикæ Хуссар Ирыстоны территорийыл æнæ райсинаг æфсонæй адæймаджы нæуæвынад, комкоммæ  баст у конституцион домæнимæ, кæцы æвдыст цæуы, Республикæ Хуссар Ирыстоны Президенты бынатмæ чи претензи кæны, уыцы адæймæгтæм, фæстаг 10 азы Республикæ Хуссар Ирыстоны территорийыл æппынæдзух цæрыны тыххæй, регистрацийы уый размæйы бонæй, æмæ парахат цæуы æппæт уыцы 10 азыл, уымæн æмæ бацамынд нормæ бакодта «Республикæ Хуссар Ирыстоны Президенты æвзæрстыты тыххæй» Республикæ Хуссар Ирыстоны Конституцион закъонмæ ивындзинæдтæ бахæссыны тыххæй» Республикæ Хуссар Ирыстоны Конституцион закъон, 2016 азы 30 июны, «фæстаг 10 азы Республикæ Хуссар Ирыстоны территорийыл æппынæдзух цæрыны» æмбарынад раргом кæныны рæстæджы барадон æбæрæгдзинад аиуварс кæныны нысанæн æмæ хъуамæ пайда цæуа æппæт ацы 10 азмæ.

Ацы уынаффæ йæ тыхы цæуы йæ райсыны бонæй».

Ацы комитет ма Президиуммæ æркæсынмæ рахаста Республикæ Хуссар Ирыстоны Президенты æвзæрстыты фæдыл æвзарæн кампани уадзыны рæстæджы Республикæ Хуссар Ирыстоны Парламенты Сæрдар Бибылты Анатолийы æххæстбартæ æруромыны тыххæй æмæ РХИ-йы Парламенты Сæрдары хæстæ РХИ-йы Парламенты Сæрдары фыццаг хæдивæг Мамиты Иналæн бабæрн кæныны тыххæй. Ацы фарсты фæдыл дæр Президиумы уæнгтæ схъæлæс кодтой æмхъæлæсæй.

РХИ-йы Парламенты

Информацион-аналитикон

Управлении