«Роснефть» Хуссар Ирыстоны сараздзæн æртаджы станцæтæ. Уый фæдыл развæлгъау бадзырд саразын къухты бафтыд майрæмбоны Республикæ Хуссар Ирыстоны Президент Бибылты Анатоли æмæ Паддзахадон агросæудæджерадон иугæнд «Роснефть»-ы Сæйраг æххæстгæнæг директор Игорь Сечины фембæлды рæстæджы.

Фембæлд уагъд цыд горæт Сочийы, раздæр Уæрæсейы Президент Владимир Путинимæ къухы цы бадзырдтæ райсын бафтыд, уыдон сæххæст кæныны фæлгæтты.

«Нæ къухы бафтыд бæлвырд сразыдзинæдтæ. Мах æркастыстæм Хуссар Ирыстоны территорийыл «Роснефть»-ы компанийы æртаджы станцæтæ байгом кæныны фадæттæм», – загъта телефоны Президент Бибылты Анатоли.

Уый банысан кодта, зæгъгæ, «Роснефть»-имæ бадзырдтæ æххæст куы æрцæуой, уæд уый фæрцы аскъуыддзаг уыдзысты, йæ гъæд ныллæг кæмæн у, уыцы æртаг нæм кæй ласынц, æмæ хорз æртаг та къуылымпытимæ кæй æфты, уыцы фарстытæ», – загъта Бибылты Анатоли.

Дыууæ къуырийы æмгъуыдмæ республикæмæ æрцæудзысты компанийы специалисттæ, уыдонимæ куыст цæудзæн æртаджы станцæты арæзтады æмæ сæ архайды лыстæг фарстытыл.

РХИ-йы Президенты пресс-службæ

Ацы æрмæджытæ дæр бакæс:

Æмгуыстад арæнтæ нæ зоны Республикæ Абхазы Президент Рауль Хаджимбайы официалон балц Хуссар Ирыстонмæ Default Thumbnail«Хуссар Ирыстон дырысæй æххæст кæндзæн Уæрæсеимæ бадзырдтæ» Адæмы æууæнк – стыр бæрны хъуыддаг РХИ-йы Парламенты цыппæрæм сессийы æвдæм рабадт

Comments are closed, but trackbacks and pingbacks are open.