27-æм марты Хицауадæн цы рабадт уыд, уым Хицауады уæнгтæ сфидар кодтой 2020-2022 азты Республикæ Хуссар Ирыстоны хицæн категорийы æмбæстæгты цæрæнуатæй сифтонг кæныны Концепци.
«Цæрæнуатæй хъуаг чи у кæнæ йæ цæрæнуатон уавæртæ фæхуыздæр кæнын кæмæн хъæ-уы, уыдонæн баххуыс кæнын у паддзахадон хæстæй иууыл приоритетондæр. Республикæйы къухдариуæгад хи фæрæзтæй æххуыс кæны æмбæстæгтæн цæрæнуаты проблемæ аскъуыддзаг кæнынæн, фæлæ масштабтæ ахæм сты, æмæ нæ бон нæ бауыдзæн æнæ Уæ-рæсейы æххуысæй», – загъта Хицауады Сæрдар Пухаты Эрик.
Абоны бон, горæт Цхинвалы æмæ районты администрациты бæрæггæнæнтæм гæсгæ республикæйы цæрæнуатон фонды иумæйаг гуырахст у 1822 мин квадратон метры, уыцы нымæцы: 834 мин квадратон метры – горæтты; 988 мин квадратон метры та – хъæууон бынæтты.
2008 азæй Хуссар Ирыстоны æндидзын æмæ рæзты программæ реализаци кæныны фæлгæтты Уæрæсейы Федерацийы финансон æххуысы хыгъдæй республикæйы цæуы ног цæрæнуаты арæзтад æмæ цæрæнуатон фонды æнди-дзынгæнæн куыст, кæцыйæн разианчындæуыд 2008 азы гуырдзыйы агрессийы рæстæджы.
Банысангонд программæты фæлгæтты æндидзыдгонд æмæ арæзт æрцыд 95 мин квадратон метры цæрæнуат.
Уымæй дарддæр арæзт æрцыд æмæ эксплуатацимæ лæвæрд æр-цыд 25 мин квадратон метры цæрæнуат, сæ цæрæнуатон уа-вæртæ хуыздæрхъуаг кæмæн сты, уыдонæн. Фæнд цæуы 2019 азы кæронмæ горæт Цхинвалы ноджы дыууæ 75 фатерон хæдзары, дыууæ 18 фатерон хæдзары та районты саразын 11,6 мин квад-ратон метры иумиаг фæзуатимæ.
Банысангонд объектты куыстыты фæуын æмæ сæ эксплуа-тацимæ радтын фæахъаз уыдзæн æмбæстæгты царды уавæртæ бирæбæрцæй фæхуыздæр кæ-нынæн.
Ныртæккæ Хуссар Ирыстоны цæрджытæй цæрæнуатæй хъуаг чи у, уыдоны номхыгъды ис 2500 адæймаджы, уыдонæй 2041 – горæт Цхинвалы, 350 – Дзауы ра-йоны æмæ 109 та – Знауыры районы.
Хицауады Сæрдар ныхæстæм гæсгæ, Хуссар Ирыстоны цæрæн-уаты рæзты фарстатæм æркас-тæуыдзæн 2020-2022 азты Инвестпрограммæйы аразыны фæлгæтты Уæрæсейы Федераци æмæ Хуссар Ирыстоны ‘хсæн социалон-эко-номикон æмгуысткæнынады фæ-дыл Æхсæнхицауадон къамисы радон рабадты.
РХИ-йы Хицауады пресс-службæ
Comments are closed, but trackbacks and pingbacks are open.