«Республикæ Хуссар Ирыстоны базарадон архайды паддзахадон бæстонкæнынады бындурты тыххæй» Республикæ Хуссар Ирыстоны Закъоны 5-æм статьямæ ивындзинæдтæ бахæссыны тыххæй

Райста йæ РХИ-йы Парламент

2021 азы 19-æм майы

Статья 1

«Республикæ Хуссар Ирыстоны базарадон архайды паддзахадон бæстонкæнынады бын-дурты тыххæй» Республикæ Хуссар Ирыстоны Закъоны 5-æм статьяйы 2-аг хайы 2-æм пунктмæ хаст æрцæуæд ивындзинæдтæ,  «административон-территориалон иугæндты территорийы базарады уавæры тыххæй дæр» ныхæсты фæстæ ныхæстæ «йæ аразыны фæтк æмæ»-йæ баххæст кæнгæйæ.

 

Статья 2

Ацы Закъон йæ тыхы цæуы официалонæй йæ ныммыхуыр кæныны бонæй.

Республикæ Хуссар Ирыстоны

Президент   БИБЫЛТЫ Анатоли

г.Цхинвал

2021 азы 7 июнь

 

 

 

РЕСПУБЛИКÆ ХУССАР ИРЫСТОНЫ  ЗАКЪОН

«Республикæ Хуссар Ирыстоны чысыл æмæ астæуккаг амалиуæгады субъекттæн льготон кредиттæ радтыны тыххæй» Республикæ Хуссар Ирыстоны Закъонмæ ивындзинæдтæ бахæссыны тыххæй»

Райста йæ РХИ-йы Парламент

2021 азы 19-æм майы

 

Статья 1

2019 азы 17 декабры  «Республикæ Хуссар Ирыстоны чысыл æмæ астæуккаг амалиуæгады субъекттæн льготон кредиттæ радтыны тыххæй» Закъонмæ хаст æрцæуæд ахæм ивындзинæдтæ:

1) 1-æм статьяйы 2-æм хай равæрд æрцæуæд ахæм редакцийæ:

  1. Льготон кредиттæ радтын æххæст цæуы чысыл æмæ астæуккаг амалиуæгады субъектты архайды фадгуыты æмæ хуызты, радон азæн æй фидар кæны «Республикæ Хуссар Ирыстоны чысыл æмæ астæуккаг амалиуæгады æххуыс æмæ рæзтæн» Паддзахадон программæ»;

2) 8-æм статьяйы 2-аг хайы «Чысыл æмæ астæуккаг амалиуæгады æххæстбарджын орган æххæст кæны» ныхæсты фæстæ баххæст æрцæуæд ныхас «фыццаг»-æй;

3) 9-æм статьяйы:

а) 1-æм хайы 5-æм пункт равæрд æрцæуæд ахæм редакцийæ:

«5) кредиты иумиаг гуырахст, кæцы дæтты кредитон организаци чысыл æмæ астæуккаг ама-лиуæгады иу субъектæн, ма хъуамæ уа 5 милуан сомæй фылдæр»;

б) 3-æм хай равæрд æрцæуæд ахæм редак-цийæ:

«3. Кредит радтын æмæ спайда кæнынæн ис нысанон характер».

Статья 2

Ацы закъон йæ тыхы цæуы официалонæй йæ ныммыхуыр кæныны бонæй.

Республикæ Хуссар Ирыстоны

Президент   БИБЫЛТЫ Анатоли

г.Цхинвал

2021 азы 7 июнь

Comments are closed, but trackbacks and pingbacks are open.